3 جەلتوقسان كۇنى قاتتى جەل سالدارىنان استاناداعى ابىلاي حان كوشەسى بويىنداعى ايالداما ەگدە جاستاعى ەرلى-زايىپتىلاردىڭ ۇستىنە قۇلاپ كەتتى. ەر ادام اۋىر جاراقات الىپ اۋرۋحاناعا ءتۇستى, دەپ جازادى Egemen.kz.
توسىن وقيعانىڭ ۆيدەوسىن الەۋمەتتىك جەلىگە ينتسيدەنت جۇكتەگەن.
«3 جەلتوقسان كۇنى تاڭەرتەڭ استانا قالاسى, ابىلاي حان كوشەسى 60 مەكەنجايى بويىنداعى ايالدامادا اتا-انام تۇرعان, جەلدىڭ اسەرىنەن ايالدامانىڭ تەرەزەسى ولارعا قۇلاپ, سالدارىنان اكەمنىڭ جامباسى سىنعان. ەندى وپەراتسيا جاساۋ جوسپارلانىپ وتىر. قاۋىپسىزدىك ەرەجەلەرى ساقتالماعان جۇمىس ءۇشىن ەگدە جاستاعى اتا-انام زارداپ شەگىپ وتىر», دەپ جازدى ۆيدەو اۆتورى Instagram جەلىسىندە.
ۆيدەودان قاتتى جەلدىڭ اسەرىنەن ايالدامانىڭ اينەگى ەرلى-زايىپتىلاردىڭ ۇستىنە ءتۇسىپ, ولاردىڭ جەرگە قۇلاعانىن كورۋگە بولادى. ايەلى ورنىنان دەرەۋ تۇرىپ, جۇبايىن ورنىنان تۇرعىزباقشى بولعانمەن, ول ورنىنان قوزعالا الماعان.
وقىس وقيعادان كەيىن ەرلى-زايىپتىلار №1 قالالىق كوپبەيىندى اۋرۋحاناعا جەتكىزىلگەن. تەكسەرۋ ناتيجەسىندە ايەل ادام ۇيدەن ەم الۋعا جىبەرىلىپ, ەر ادامعا وپەراتسيا تاعايىندالعان.