قازاقستان مۇسىلماندارى ءدىني باسقارماسىنىڭ شاريعات جانە ءپاتۋا ءبولىمى 2024 جىلعى ءدىني كۇندەر مەن مەرەكەلەر كەستەسىن بەكىتتى, دەپ حابارلايدى Egemen.kz.
بەكىتىلگەن كەستەگە ساي, 2024 جىلى رامازان ايى 11 ناۋرىزدا باستالادى. ال قاسيەتتى قادىر ءتۇنى 5-نەن 6 ساۋىرگە قاراعان تۇنگە ءدال كەلىپ تۇر.
مۇسىلمان قاۋىم ءۇشىن قادىرلى ورازانىڭ اياقتالعانىن بىلدىرەتىن ۇلىق مەيرام ورازا ايت 10 ساۋىردە بولادى. ال, ءۇش كۇن تويلاناتىن قۇربان ايت 17 ماۋسىمعا سايكەس كەلىپ تۇر. مۇباراك ءماۋلىت ايى قىركۇيەكتە باستالماق. ەسكەرەتىن جايت: قازاقستان مۇسىلماندارى ءدىني باسقارماسى ءدىني مەرەكەلەردىڭ ناقتى كۇندەرى جاڭا ايدىڭ كورىنۋىنە بايلانىستى اۋىسۋى مۇمكىن ەكەنىن مالىمدەدى.