«ليۆەرپۋل» فۋتبول كلۋبىنىڭ باسشىلىعى پسج شابۋىلشىسى كيلليان مباپپەنى ساتىپ الۋ تۋرالى كەلىسىمشارتتان باس تارتتى, دەپ جازادى Egemen.kz.
بۇل اقپاراتتى سپورت ءجۋرناليسى فلوريان پلەتتەنبەرگ ءوزىنىڭ ح (Twitter) الەۋمەتتىك جەلىسىندەگى پاراقشاسىندا حابارلادى.
دەرەككوزدىڭ ايتۋىنشا, قازىرگى ۋاقىتتا فرانتسۋز فۋتبولشىسىنا قىزىعۋشىلىق تانىتىپ وتىرعان جالعىز ەۋروپالىق كلۋب - مادريدتىك رەال.
ايتا كەتەيىك, ك.مباپپەنىڭ پسج كلۋبىمەن قازىرگى كەلىسىم شارتى كەلەسى جىلدىڭ جازىندا اياقتالادى. بۇعان دەيىن باق-تا كورولدىك كلۋب 2024 جىلدىڭ العاشقى ايلارىندا 24 جاستاعى فۋتبولشىمەن كەلىسىمشارتقا وتىرۋدى قالايتىنى تۋرالى اقپارات پايدا بولدى.