تۇركىستان وبلىسىنىڭ پروكۋراتۋراسى تولەبي اۋدانى اكىمدىگىنىڭ جەر قاتىناستار ءبولىمىنىڭ باسشىسى ارنايى جەر قورىنداعى جەرلەردى زاڭسىز يەلەنىپ كەلگەنىن انىقتادى. اسا ءىرى مولشەردە الاياقتىقپەن يەلەنگەن جەر ۋچاسكەلەرىنە قاتىستى سوتقا دەيىنگى تەرگەپ-تەكسەرۋ ءىسى باستالدى, دەپ جازادى Egemen.kz باس پروكۋراتۋرانىڭ ءباسپاسوز قىزمەتىنە سىلتەمە جاساپ.
«اتاپ ايتقاندا, قىلمىستىق ءىس بويىنشا اۋداننىڭ جەر قاتىناستار ءبولىمىنىڭ باسشىسى, ءوزىنىڭ قىزمەت بابىن پايدالانا وتىرىپ, وسى ءبولىمنىڭ بۇرىنعى باسشىسىمەن الدىن-الا ءسوز بايلاسۋ ارقىلى نارىقتىق قۇنى 326 ملن تەڭگەنى قۇرايتىن 200 گا استام قۇنارلى جەر ۋچاسكەلەرىن زاڭسىز راسىمدەۋ بويىنشا كۇدىككە ءىلىندى.
تۇركىستان وبلىسىنىڭ سوتقا دەيىنگى تەرگەپ-تەكسەرۋ باسقارماسى كۇدىكتى تۇلعالاردى ۋاقىتشا ۇستاۋ يزولياتورىنا قامادى.
قازىرگى تاڭدا اتالعان قىلمىسقا باسقا دا تۇلعالاردىڭ قاتىسى بار-جوعى انىقتالىپ جاتىر», دەلىنگەن حابارلامادا.