سكانديناۆيا تۇبەگىندە شىمىلدىعى تۇرىلگەن گاندبولدان ايەلدەر اراسىنداعى الەم چەمپيوناتىنىڭ تۇساۋكەسەر كەزدەسۋىن جەرلەستەرىمىز يسپانيا قۇراماسىنا قارسى وتكىزدى.
لوندون وليمپياداسىندا قولا مەدال الىپ, الەم (2011 جىلى – قولا, 2019 جىلى – كۇمىس) جانە ەۋروپا چەمپيوناتىندا (2018, 2014 جىلدارى – كۇمىس) ەكى رەتتەن جۇلدەگەرلەر قاتارىنان كورىنگەن ازۋلى كومانداعا ءبىزدىڭ قىزدار لايىقتى قارسىلىق كورسەتە المادى. بۇل باسەكە پيرەنەي تۇبەگىنەن كەلگەن بۇرىمدىلاردىڭ ايقىن باسىمدىعىمەن اياقتالدى. ەسەپ – 34:17. يسپانيانىڭ قول دوبى شەبەرلەرى جەرلەستەرىمىزدەن بارلىق جاعىنان باسىم تۇسكەنىن مويىنداماسقا لاج جوق. ولار بىزگە قاراعاندا جىلدام, ەپتى, شاپشاڭ قيمىلداپ, تەحنيكالىق جانە فيزيكالىق تۇرعىدان دا الدەقايدا مىقتى ەكەنىن كورسەتتى. مىنە, وسىنداي ارتىقشىلىقتارىنىڭ ارقاسىندا يسپاندىقتار بۇل باسەكەدە قازاقستاندى ەش قينالماي ۇتتى.
بۇگىن قىزدارىمىز برازيلياعا قارسى وينايدى. ال 3 جەلتوقساندا ۋكراينامەن شەبەرلىك بايقاسادى.