دەنساۋلىق ساقتاۋ ءمينيسترى اجار عينيات ەكپەنىڭ قاۋىپسىز ەكەندىگىن كورسەتۋ ءۇشىن نەمەرەسىنە قىزىلشاعا قارسى ۆاكتسينا سالدىردى, دەپ حابارلايدى Egemen.kz.
«جالپى, حالىق تاراپىنان سەنىم بار. 10 ايدىڭ ىشىندە جوسپارلى ۆاكتسيناتسيالاۋعا كەلمەگەندەردىڭ پايىزى از, 10 پايىز عانا. ولار شىندىعىنا كەلگەندە انتيۆاكسەرلەر دەپ اتالاتىن كەيبىر ساراپشىلارعا قۇلاق اساتىن ادامدار. ءدىني نانىم-سەنىمىنە بايلانىستى باس تارتاتىن ادامدار دا كەزدەسەدى», دەپ ءتۇسىندىردى اجار عينيات.
سوندىقتان نەگىزىنەن جاس بالالار زارداپ شەگەتىنىن ەسكەرە وتىرىپ, دەنساۋلىق ساقتاۋ مينيسترلىگى اۋقىمدى اقپاراتتىق جۇمىستاردى جۇرگىزە باستادى.
«ۆاكتسينا قاۋىپسىز جانە ءتيىمدى. مەن مۇنى دالەلدەۋ ءۇشىن 5 جاسار نەمەرەمدى ەمحاناعا اكەلىپ, ەكپە سالدىردىم», دەپ قوستى مينيستر.