ىنتىماقتاستىق ماسەلەلەرى تالقىلاندى

ءىس-شارا قارساڭىندا كوميتەت توراعالارى ەكىجاقتى كەزدەسۋ وتكىزىپ, ونىڭ بارىسىندا ءارتۇرلى باعىتتار مەن سالالارداعى ۇكىمەت­ارالىق ءوزارا ءىس-قيمىلدىڭ وزەكتى ماسەلەلەرىن ەگجەي-تەگجەي تالقىلادى.

كوميتەت وتىرىسى اياسىندا ەكى ەلدىڭ ورتالىق مەملەكەتتىك ورگاندارىنىڭ ءبىرىنشى باسشى­لارىنىڭ قاتىسۋىمەن ساۋدا, كەدەندىك رەتتەۋ, ەنەرگەتيكا, كولىك جانە لوگيستيكا, عىلىم, ما­دە­نيەت, قورشاعان ورتانى قورعاۋ, سۋ شارۋاشى­لى­عى قىزمەتى جانە ت.ب. سالالارداعى جۇمىس بو­يىنشا ماسەلەلەر قارالدى. بۇدان باسقا اتالعان باعىتتارداعى ىنتىماقتاستىقتى ودان ءارى دامىتۋ بويىنشا ناقتى قادامدار بەلگىلەندى.

«بۇگىنگى وتىرىستىڭ قورىتىندىسى مەم­لەكەت­ارا­لىق قاتىناستاردى نىعايتۋعا جاڭا سەرپىن بەرەتىنىنە سەنىمدىمىن. وتكەن 2 جىل ىشىندە بارلىق شاعىن كوميتەت ءوز باعىتتارى ايا­سىندا ۋاعدالاستىقتاردى ىسكە اسىرىپ, ودان ءارى ءوزارا ءىس-قيمىل جاساۋ ءۇشىن جاڭا باع­دارلاردى بەلگىلەدى», دەدى ر.سكليار.

ءوز تاراپىنان قحر مەملەكەتتىك كەڭەسى پرەمەرىنىڭ ورىنباسارى دين سيۋەسيان قازاقستاندىق تاراپتىڭ باستامالارىنا قولداۋ ءبىلدىرىپ, قحر-دىڭ بۇرىن قول جەتكىزىلگەن جانە جاڭا ۋاعدالاستىقتاردى ىسكە اسىرۋ ءۇشىن بەلسەن­دى تۇردە جۇمىس ىستەۋگە دايىن ەكەنىن اتاپ ءوتتى.

«ەكى ەل اراسىنداعى قارىم-قاتىناس جان-جاقتى ستراتەگيالىق سەرىكتەستىك دەڭگەيىنە جەتتى. بيىل پرەزيدەنت قاسىم-جومارت توقاەۆ قىتايعا ەكى رەت ساپارمەن باردى. ەكى ەل باسشىلارىنىڭ كەزدەسۋلەرى وتە مازمۇندى ءوتتى. ءبىزدىڭ مىندەتىمىز – قول جەتكىزىلگەن بارلىق ۋاعدالاستىقتى ىسكە اسىرۋ», دەدى دين سيۋەسيان.

وتىرىس سوڭىندا تاراپتار قورىتىندى حات­تا­ماعا قول قويىپ, 2025 جىلى قازاقستان-قى­تاي ىن­تى­ماقتاستىق جونىندەگى كوميتەتىنىڭ 12-وتىرى­سىن قىتاي اۋماعىندا وتكىزۋگە كەلىستى.

رومان سكليار مەن دين سيۋەسياننىڭ قاتىسۋى­مەن مادەني ورتالىقتاردى ءوزارا قۇرۋ تۋرالى ۇكىمەتارالىق كەلىسىمگە, سونداي-اق قر اۋىل شارۋاشىلىعى مينيسترلىگى مەن قحر باس كەدەن باسقارماسىنىڭ قازاقستاننان جاڭا سۇيەكتى جەمىس داقىلدارىنىڭ ەكسپورتتىق پارتيالارىنا قويىلاتىن فيتوسانيتارلىق تالاپتاردى كەلىسۋ جونىندەگى جۇمىس حاتتاماسىنا قول قويىلدى.