يتاليانىڭ بازەلگا-دي-پينە قالاسىندا جاستار اراسىنداعى الەم كۋبوگىنىڭ كەزەڭدىك سايىستارى ءوتتى. وسى جارىستا وتانداستارىمىز ولجاعا كەنەلدى.
500 مەترلىك باسەكەدە ينەسسا شۋمەكوۆاعا تەڭ كەلەر ەشكىم تابىلمادى. بۇل قاشىقتىقتى 39,98 سەكۋندتا جۇگىرىپ وتكەن ول التىننان القا تاقتى. ەكىنشى جانە ءۇشىنشى ورىنداردى فرەن ۆانحۋتت (40,17 سەكۋند) پەن قازاقستاننىڭ تاعى ءبىر وكىلى مارگاريتا ارتەمەۆا (40,50 سەكۋند) يەلەندى. وسى ورايدا بۇل پەتروپاۆلدىق جاس كونكيشىنىڭ سپورتتىق مانسابىنداعى ەڭ العاشقى قوماقتى تابىسى ەكەنىن دە اتاپ وتكەن ءجون.
دەسەك تە ينەسسا وسى ناتيجەمەن شەكتەلىپ قالعان جوق. ول ماريا دەگەن مەن الينا شۋمەكوۆا سىندى ارىپتەستەرىمەن بىرگە كوماندالىق جارىستا كۇمىس مەدالدى ولجالادى. مارگاريتا ارتەمەۆا, الەنا ليفاتوۆا جانە ارينا يلياششەنكو ۇشتىگى دە بازەلگا-دي-پينەدە ءدال سونداي كورسەتكىشكە قول جەتكىزدى.