يتاليانىڭ مونتەسيلۆانو قالاسىندا وتكەن شاحماتتان بالالار مەن جاسوسپىرىمدەر اراسىنداعى الەم بىرىنشىلىگىندە جەرلەستەرىمىز ءۇش جۇلدەگە قول جەتكىزدى.
14 جاسقا دەيىنگى ويىنشىلار سايىسىندا ەلناز قالياحمەتتىڭ التىن الۋىنا تاماشا مۇمكىندىگى بولدى. ول سەگىز باسەكەدە باسىمدىق تانىتىپ, ەكى كەزدەسۋدى تەڭ اياقتادى. تاعى ءبىر پارتيادا جەڭىلىس تاپتى. وسى جالعىز عانا ءساتسىز ويىن ەلنازدى باس جۇلدەدەن ايىردى. بۇل توپتا وزبەكستاندىق افرۋزا حامدانوۆا الدىنا جان سالمادى. 16 جاستاعى بويجەتكەندەردىڭ باسەكەسىندە الۋا نۇرمانوۆا قولاعا قول سوزدى. قازاق قىزى قىتايلىق ۆان چۋتسياو مەن رەسەيلىك الەكساندرا شۆەدوۆادان قالىپ قويدى.
ءجاسوسپىرىم ۇلداردىڭ جارىسىندا الديار اڭساتقا قولا مەدال بۇيىردى. ول 7 جەڭىس, 1 جەڭىلىس جانە 3 تەڭ ويىنمەن ۇزدىك ۇشتىكتى تۇيىندەدى. رەسەيلىك الەكسەي گرەبنەۆ پەن ۆولودار مۋرزين الدياردىڭ الدىن وراپ كەتتى.