تەننيستەن قازاقستاننىڭ ەرلەر قۇراماسى 2024 جىلى شىمىلدىعى تۇرىلەتىن دەۆيس كۋبوگىنىڭ ىرىكتەۋ سايىسىندا ارگەنتينامەن كۇش سىناسادى. بۇل كەزدەسۋ 2-4 اقپان ارالىعىندا وتەدى.
ارگەنتينا – وڭاي قارسىلاس ەمەس. ولار 1981, 2006, 2008 جانە 2011 جىلدارى دەۆيس كۋبوگىنىڭ اقتىق سىنىنا دەيىن القىنباي جەتىپ, شەشۋشى تۇستا عانا ۇتىلدى. 2016 جىلى سىرتتا ويناعاندارىنا قاراماستان پولشا, يتاليا, ۇلىبريتانيا جانە حورۆاتيا قۇرامالارىن جولىنان ىعىستىرىپ, باس جۇلدەنى ولجالادى. قازىرگى كەزدە ارگەنتينالىق كوماندانىڭ ساپىندا فرانتسيسكو چەرۋندولو (الەمنىڭ №21 راكەتكاسى), سەباستيان باەس (№28) جانە توماس مارتين ەتچەۆەرري (№30) سىندى مىقتى ويىنشىلار بار. سول سەكىلدى پەدرو كاچين (№70), فەدەريكو كوريا (№80), فاكۋندو دياس (№93) ءتۇرلى تۋرنيرلەردە ءتاپ-ءتاۋىر ونەر كورسەتىپ ءجۇر. كەزىندە توپ-10 تەننيسشىنىڭ قاتارىندا بولعان 31 جاستاعى ديەگو شۆارتسمان دا ءوزىنىڭ «سوڭعى ءسوزىن» ءالى ايتقان جوق.
قازىرگى كەزدە قازاقستان قۇراماسى الەمدىك رەيتينگتە 13-ورىندى يەلەنىپ تۇر. ال ارگەنتينا وتانداستارىمىزدان التى ساتى تومەن.