مەدياساۋاتتىلىققا ارنالعان ناۋقان ءجۇرىپ جاتىر

وعان قوسا مەدياساۋاتتىلىق تسيفرلىق قۇزىرەتتىلىكتەرمەن قاتار كەز كەلگەن ينتەرنەت قولدانۋشىسى ءۇشىن قاجەتتى داعدىلاردىڭ بىرىنە اينالىپ كەلەدى. وسىعان وراي, ونلاين-كەڭىستىكتەگى حابارلامالاردى سىني تۇرعىدان باعالاۋعا, تالداۋعا, اقپاراتتىق داڭعازادان قورعانۋ مەن كونتەنت قۇرۋعا جاۋاپكەرشىلىكپەن قاراۋعا كومەكتەسۋ ءۇشىن TikTok پلاتفورماسى «قاۋىپسىزدىك اكادەمياسى» باستاماسى اياسىندا  #لۇپىلدەتبىراقتەكسەر ناۋقانىن باستادى.

جاڭا جوبانىڭ مىندەتى – پلاتفورما قولدانۋشىلارىنا مەدياساۋاتتىلىق نەگىزدەرىن بايانداۋ, ونىڭ ىشىندە: ينتەرنەتتەگى اقپاراتتى سىني تۇرعىدا باعالاۋ نە ءۇشىن قاجەت, دەرەككوزدەردىڭ سەنىمدىلىگىن قالاي تەكسەرۋگە بولادى, نەلىكتەن كۇماندى كونتەنت تاراتپاۋ كەرەكتىگى مەن اداسۋدىڭ قۇربانى بولۋدان قالاي ساقتانۋ كەرەكتىگىن قاراستىرۋ.

سونىمەن ارنايى جوبا ءۇشىن تانىمال TikTok كرەاتورلارى بىرقاتار ءبىلىم بەرۋ روليكتەرىن جازعان. وعان قوسا وسى جوباعا ات سالىسىپ وتىرعان AlmaU مەديا جانە كينو مەكتەبىنىڭ ساراپشىلارى ونلاين-كەڭىستىكتە مازمۇندى تۇتىنۋ مەن قۇرۋعا جاۋاپكەرشىلىكپەن قاراۋدىڭ ماڭىزدىلىعى تۋرالى ارنايى ەفيرلەر وتكىزبەك.

مىسالى, 28 قاراشادا مەديا-ساراپشى جانە «زياندى مەديا ادەتتەردى وزگەرتەمىز» جوباسىنىڭ اۆتورى باقتىگۇل بۋرباەۆا نەلىكتەن مەدياساۋاتتىلىق كەز كەلگەن عالامتور پايدالانۋشىسى ءۇشىن نەگىزگى داعدىلاردىڭ ءبىرى ەكەنىن تۇسىندىرسە, 29 قاراشادا «مەديا جانە اقپاراتتىق ساۋاتتىلىق» ادىستەمەلىك قۇرالىنىڭ اۆتورى رۋسلان قاراتابانوۆ اقپاراتتى سەنىمدى دەرەككوزدەردە قالاي تەكسەرۋگە, فەيكتەردىڭ ىقپالىنا قالاي تۇسپەۋگە بولاتىندىعى تۋرالى اڭگىمەلەيدى.

«كۇن سايىن ميلليونداعان TikTok پايدالانۋشىلارى ءارتۇرلى دەرەك كوزدەرىنەن كوپتەگەن اقپارات الادى. ءبىز قوعامداستىق ءوز مۇشەلەرىنىڭ اقپاراتتى سىني تۇرعىدان باعالاي ءبىلۋىن, كۇماندى دەرەككوزدەرىن سۇزگىدەن وتكىزۋىن, اۆتورلارىمىزدىڭ مازمۇن قۇرۋعا جاۋاپكەرشىلىكپەن قاراۋىن قالايتىندىقتان, «TikTok قاۋىپسىزدىك اكادەمياسى» اياسىنداعى ءتورتىنشى جوبامىز مەدياساۋاتتىلىق تاقىرىبىنا ارنالدى», دەيدى شىعىس ەۋروپا مەن ورتالىق ازياداعى TikTok وپەراتسيالىق دەپارتامەنتىنىڭ باسشىسى ەكاتەرينا بلينەتس.

الماتى