اۋىلداعى جاڭا مەديتسينالىق نىساندار

مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس جۇزەگە اسىرىلىپ جاتقان ۇلتتىق جوبا اياسىندا وڭىرلەردە 655 العاشقى مەديتسينالىق-ساني­تارلىق كومەك كور­سەتۋ نىسانىن اشۋ جوسپارلا­نىپ وتىر. ونىڭ ىشىندە 257 مە­ديتسينالىق, 238 فەلد­شەرلىك-اكۋشەرلىك پۋنكت جانە 160 دارىگەرلىك امبۋلاتوريا بار. بيىل 99 نىساننىڭ قۇرىلىسى جۇرگىزىلىپ جاتىر. بۇگىنگى تاڭدا ونىڭ 20-سى اياقتالدى, قالعانى بويىنشا جۇمىستار جالعاسۋدا.

سونىمەن قاتار ۇلتتىق جوبادا ينسۋلت ورتالىقتارى, كارديو­لوگيا, جانساقتاۋ, وڭال­تۋ بولىمدەرىن اشۋ, سون­داي-اق ولاردى زاماناۋي قۇ­­رال-جاب­دىقتارمەن قامتاما­سىز ەتۋ ارقىلى 32 كوپسالالى ورتا­لىق اۋداندىق اۋرۋحانانى جاڭ­عىرتۋ قاراستىرىلعان.

پرەمەر-مينيستر قارا­عان­­دى, جامبىل, سولتۇس­تىك قازاقستان, قىزىل­وردا, قوس­­ت­اناي جانە باسقا دا بىر­قاتار وبلىستىڭ اكىم­دىك­تەرى­نە العاشقى مەديتسينا­لىق-سا­نيتارلىق كومەك كور­­سە­تۋدىڭ جاڭا نىساندارىن سا­لۋ بو­يىنشا جۇمىستى جە­دەل­­­دەتىپ, جىل سوڭىنا دەيىن ولار­دى پاي­دالانۋعا بەرۋ­دى قام­تاماسىز ەتۋ كەرەك ەكەنىن اتاپ ءوتتى.

«ۇلتتىق جوبانى ىسكە اسىرۋ – ۇكىمەتتىڭ باقىلاۋىن­دا. مينيستر مەن وڭىرلەردىڭ اكىمدەرى بۇل باعىتتاعى جۇ­مىستى كۇشەيتۋى قاجەت», دەدى ءا.سمايىلوۆ.