مەكسيكادا ەكى جۇلدە بۇيىردى

جارىستىڭ سوڭعى كۇنى +87 كگ سالماق­تا سىنعا تۇسكەن ايسامال سانسىز­باەۆا ءوز جانكۇيەرلەرىن قۋانتتى. ول 250 كگ (107+143) كور­سەتكىشپەن كۇمىس مەدال­دى يەلەندى. قازاق زىلتەمىرشىسى تەك ۆان لين چەننەن قالىپ قويدى. تايپەي­لىك سپورتشى ايسامالدان نەبارى 2 كگ ارتىق سالماقتى كوتەردى. ءۇشىنشى ورىندا – برا­زيليالىق تايانە جۋستينو دە ليما.

بۇعان دەيىن دە ا.سانسىزباەۆا­­نىڭ جاسوسپىرىمدەر مەن جاس­تار اراسىنداعى بايراقتى باسە­كەلەردە تولاعاي تابىسقا قول جەتكىزگەنى بەلگىلى. اتاپ ايتساق, ول 2020-2023 جىلدار ارالىعىندا ليمادا online فورماتى بويىن­شا ۇيىمداس­تىرىلعان الەم كۋ­بوگىندە, تاشكەنتتە جالاۋى جەل­­بىرەگەن الەم جانە ازيا بى­رىن­شى­لىكتەرىندە التىننان القا تاقتى.

وكىنىشكە قاراي, وزگە اۋىر ات­لەت­تەرىمىز سەنىم ۇدەسىنەن شىعا المادى. اتالعان جارىستا ەگور شەرەر (89 كگ) جەتىنشى ورىندى قا­ناعات تۇتسا, يۋليا تروش­كينا (49 كگ) مەن پەتر حرەبتوۆ

(67 كگ) ونىنشى ساتى­عا جايعاستى. بىلتىر گرە­­كيا­­نىڭ يراكليون قالاسىندا ۇيىم­داستىرىلعان دۇنيەجۇزىلىك دو­داعا قازاقستاننىڭ جەتى زىلتە­مىرشىسى قاتىسىپ, قوس جۇلدەنى قور­جىنعا سالعان ەدى. ول كەزدە الەكسەي چۋركين (73 كگ) كۇ­مىس السا, ايسامال سانسىزباەۆ (+78 كگ) قولاعا قول سوزدى.

گۆادالاحارادا ەرلەر ارا­سىن­داعى – باسەكەدە يرانعا تەڭ كەلەر كوماندا تابىلمادى. پار­سى ەلىنىڭ اپايتوستەرى 2 ال­تىن مەن 3 كۇمىستى ولجالاپ, جالپى كوماندالىق ەسەپتە كوش باستادى. ەكىنشى ورىندى اقش-تىڭ تولعايلارى يەلەندى. امە­ري­كالىقتار 2 التىن مەن 1 كۇمىستى ەنشىلەدى. ءۇشىنشى ساتىعا ار­مەنيا جايعاستى. قاپ تاۋىنىڭ قى­راندىرى باس جۇلدەنىڭ ەكەۋىن يەمدەندى. ۇزدىك بەستىكتى ۋكراينا مەن ۆەنەسۋەلا (1+0+1) تۇيىن­دەدى. ودان كەيىنگى ساتىلارعا قا­زاقستان مەن مەكسيكا (1+0+0) تۇراق­تادى. ال ايەلدەر سايىسىندا سەنساتسيالىق ناتيجە تىركەلدى. مەكسيكا قۇراماسى ءوز تاريحىندا تۇڭعىش رەت ۇزدىكتەر كوشىن باستادى. جارىس قوجايىندارى 2 التىن مەن 1 قولانى ولجالادى. وزگە مىقتى كوماندالاردىڭ ناتيجەلەرىن مىناداي: تايپەي (2+0+0), اقش (1+2+0), ەكۆادور (1+1+0), تۇركيا مەن ۋكراينا (1+0+1) جانە ارمەنيا مەن گرۋزيا (1+0+0).