قازاقتىڭ تانىمال ارالاس جەكپە-جەك شەبەرى اسىلجان «ساق» باقىتجان ۇلى كەلەسى جىلى شەشەنستاندا ىرگەتاسى قالانعان اسا پروموۋشەنىنە قايتا ورالۋدى كوزدەپ وتىر.
جارتىلاي اۋىر سالماقتا كۇش سىناساتىن 33 جاستاعى اسىلجان 2017-2021 جىلدار ارالىعىندا اسا-دا ونەر كورسەتىپ, ءوزىن جاقسى قىرىنان كورسەتە ءبىلدى. ودان بولەك ول «الاش پرايد», NFC, «UAE Warriors» جانە RSS ۇيىمدارىنىڭ مۇرىندىق بولۋىمەن وتكەن جارىستارعا قاتىستى. وكتوگونعا بارلىعى 19 مارتە شىققان قانداسىمىز 15 جەكپە-جەكتە جەڭىسكە جەتتى. 10 قارسىلاسىن ايقىن باسىمدىقپەن ۇتتى.
ءوزىنىڭ كەلەسى جەكپە-جەگىن ول 15 جەلتوقساندا كەزىندە ەكاتەرينبۋرگتە UFC-دە ونەر كورسەتكەن 39 جاستاعى رەسەيلىك فايتەر ماكسيم گريشينگە (32-10-2) قارسى وتكىزەدى.