فۋتبولدان قازاقستان قۇراماسىنىڭ باس باپكەرى ماگومەد اديەۆ «اقتوبە» كلۋبىنىڭ ۇسىنىسىن قابىل الىپ, 2023 جىلعى قازاقستان پرەمەر-ليگاسىنىڭ قولا جۇلدەگەرلەرىنە باپكەرلىك قىزمەتىن كورسەتەدى, دەپ حابارلايدى Egemen.kz Vesti.kz سايتىنا سىلتەمە جاساپ.
بۇل تۋرالى كوممەنتاتور ەرمۇحامەد ماۋلەن ءوزىنىڭ Telegram-ارناسىندا رەسەيلىك ماماننىڭ بۇگىن, 26 قاراشا كۇنى رەسمي تۇردە «اقتوبە» فۋتبول كلۋبىنىڭ باس باپكەرى بولعانىن حابارلادى.
بۇعان دەيىن «اقتوبە» كلۋبىن «ەلىمايعا» كەتكەن اندرەي كارپوۆيچ باسقاردى.
اقتوبە 2023 جىلعى قازاقستان چەمپيوناتىن ءۇشىنشى ورىنمەن اياقتادى جانە كەلەسى جىلى ەۋروپا كۋبوگىنىڭ ىرىكتەۋ كەزەڭىندە باق سىنايتىن بولادى.
ەسكە سالايىق, 2024 جىلعى ەۋروپا چەمپيوناتىنىڭ ىرىكتەۋ كەزەڭى اياقتالعاننان كەيىن قفف پرەزيدەنتى ادىلەت بارمەنقۇلوۆ اديەۆتىڭ قازاقستاندىق كلۋبتاردىڭ بىرىنە باس باپكەر بولىپ تاعايىندالۋى مۇمكىن ەكەنىن ايتقان بولاتىن.