ارمانعا قانات بىتىرەتىن وقۋ

جوبانىڭ نەگىزگى ماقساتى – مۇگەدەكتىگى بار جاستاردى ج­ۇ­مىسقا ورنالاستىرۋ, العان داع­دىلارىن مونەتيزاتسيالاۋ جانە ولاردىڭ ءومىر ءسۇرۋ دەڭگەيىن جاق­سارتۋ. وندا كاسىبي ماماندانۋدان تىس, جوباعا قاتىسۋشىلارعا الەۋمەتتىك, پسي­حولوگيالىق تو­زىم­دىلىكتى, ورتادا جۇمىس ىس­تەۋدى, شىعارماشىلىق, كوش­باس­شىلىق, ءوزىن ءوزى تانىستىرۋ سەكىلدى داعدىلار ۇيرەتىلەدى. قازىر وندا 120-دان اسا ستۋدەنت وقۋدى ءساتتى اياقتاپ, وزدەرىنىڭ جوبالارىن «تسيفرلىق ەكونوميكانى دامىتۋ ورتالىعى» جشس اقپاراتتىق جۇيەلەردى پايدالانۋ جانە پايدالانۋشىلاردى قولداۋ دەپارتامەنتىنىڭ ديرەكتورى رەبريكوۆا الەنا, SMM lab ماركەتينگ اگەنتتىگىنىڭ ديرەكتورى ستەپان باەۆ, ABC Design ديرەكتورى سۇلتان ماليكوۆ قاتارلى قازىلاردىڭ الدىندا قورعاپ شىقتى.

اتالعان سالتاناتتى ماراپاتتاۋ راسىمىنە ەڭبەك جانە حا­­لىقتى الەۋمەتتىك قورعاۋ مينيس­ترلىگى حالىقتى جۇمىسپەن قامتۋ جانە ەڭبەك نارىعىن دامىتۋ دەپار­تامەنتىنىڭ ديرەكتورى اس­قار نيازوۆ, «شەۆرون» كوم­پانياسىنىڭ الەۋمەتتىك ينۆەس­تيتسيالار جونىندەگى كەڭەسشىسى لەيلا ايتمۇحانوۆا, «EPAM Kazakhstan» ديرەكتورىنىڭ قار­جى جونىندەگى ورىنباسارى گاليما كاري قاتىستى.

بىلتىر «مۇگەدەكتىگى بار ادامداردى الەۋمەتتىك قورعاۋ تۋرالى» زاڭداعى تەرميندەرگە تۇزەتۋلەر ەنگىزىلدى. «مۇمكىندىگى شەكتەۋلى ادام» دەگەن تىركەس «مۇگەدەكتىگى بار ادام» دەپ اۋىستىرىلدى. ياعني ولاردىڭ ەشقانداي مۇم­كىندىگى شەكتەۋلى ەمەس, قوعام­نىڭ تەڭ حاقىلى مۇشەسى. تەك ەرەكشە قاجەتتىلىكتەرىنە, ياعني مە­­ديتسي­نالىق-الەۋمەتتىك مار­تەبەسىنە قاراي «مۇگەدەكتىگى بار ادام» دەپ اتالادى.

2023 جىلدىڭ مامىر ايىنداعى كورسەتكىش بويىنشا ەلىمىزدە 711 مىڭنان اسا مۇگەدەكتىگى بار ادام تۇرادى. الايدا ولاردىڭ باسىم بولىگى ەڭبەككە جارامدى, باسەكەگە قابىلەتتى ەكەن. ونىڭ ءبىر كۋاسى – الەمدەگى جەتەكشى ينتە­گراتسيالانعان ەنەرگەتيكالىق كومپانيالاردىڭ ءبىرى «شەۆرون» كومپانياسىنىڭ قولداۋىمەن ITeachMe قورىنىڭ مۇگەدەكتىگى بار جاس­تاردى الەۋمەتتىك وڭالتۋ جوبالارى زاماناۋي تسيفرلىق تەحنولوگيالاردى تەگىن ۇيرەنۋگە مۇمكىندىك بەرۋى دەر ەدىك.

– مۇگەدەكتىگى بار ادامدار كۇي­زەلىسكە كوپ ۇشىرايدى. ادام ۇيدەن ءبىر كۇن شىعا الماي قالعان جاعدايدا نە بولادى, وي­لاڭىزشى. ال ولار ءۇشىن ءبىلىم الۋعا, جۇمىسقا بارۋعا مۇمكىندىك از. قازىر مەملەكەت وسى ساناتتاعى ازاماتتاردى جۇمىسپەن قامتۋ ماسەلەلەرىن پىسىقتاپ جاتىر. كەدەرگىسىز ورتا ماسەلەسى بويىنشا شەشىلمەگەن نارسە ءالى دە كوپ, – دەيدى ITeachMe قورىنىڭ ديرەكتورى زاحيرا بەگاليەۆا.

سونداي-اق ول بيىل مامىر ايىنا­ن باستاپ تسيفرلىق تەح­نولو­گيانىڭ قىر-سىرىن مەڭ­گەرگىسى كەلەتىن مۇگەدەكتىگى بار جاستاردى تەگىن وقىتۋ مۇمكىندىگى تۋرالى اقپاراتتاندىرۋ ماق­ساتىندا ەل بويىنشا 40-تان اسا كەزدەسۋ وتكىزىلگەنىن جەتكىزدى.

– بۇل تىزىمدە ءىرى قالالارمەن قاتار شا­عىن ەلدى مەكەندەر دە بار. مى­سالى, باعدارلاما تۋرالى بىلۋگە قوسشى قالاسىندا 7 ادام نيەت ءبىلدىردى, ال ەڭ بەلسەندى شىم­­كەنت قالاسىنان 110-نان اسا ادام قىزىعۋشىلىق تانىت­تى. كەزدەسۋ قورىتىندىسى ب­و­يىن­شا 1 500-دەن اسا ءوتىنىم كەلىپ ءتۇستى. تەك 178 ستۋدەنت ءۇش كە­زەڭدىك ىرىكتەۋ تۋرىنان ءساتتى ءوتىپ, ITeachMe جاستار ينكليۋزيۆتى جوباسىنىڭ جەتىنشى ماۋسىمىنىڭ ستۋدەنتى اتاندى, – دەيدى ءىس-شارانى ۇيىمداستىرۋشىلار.

جيىندا جەڭىمپازداردىڭ ىشىندەگى ەڭ ءتيىمدى 20 جۇمىستىڭ اۆتورلارى, قازىلار القاسىنىڭ باعالاۋى بويىنشا 50 مىڭنان 100 مىڭ تەڭگەگە دەيىن قارجىلاي سىيلىقپەن ماراپاتتالدى.

– ITeachMe باعدارلاماcىنىڭ ءبىز ءۇشىن دە, قوعام ءۇشىن دە ماڭىزى زور. بىلىكتى ساراپشىلاردىڭ ادىس­تەمەلەرىن جيناقتاپ, وسىنداي مىقتى قولداۋ ورتالىعىن قۇرۋ ارقىلى جاستاردىڭ ماماندىق مەڭگەرۋىنە جول اشادى. وسىلايشا, ولار جاقسى ورتا, جاڭا دوستار تاپتى. 4 جىل ىشىندە باعدارلاما جاڭاشىلدىقتىڭ وشاعىنا اينالدى, – دەيدى ل.ايتمۇحانوۆا.

P.S. مۇگەدەك ارباسىندا وتىرسا دا, قيالى قياداعىنى العان العىر جاستاردىڭ بۇل سالتاناتتى ءىس-شاراسىنا ارنايى بارىپ قايتقان ەدىك. كورگەن كوزدە, ەستىگەن قۇلاقتا جازىق جوق. ءبىر جايتقا كوڭىلدىڭ كۇپتى بولعانىن نەسىن جاسىرايىق. بۇل ءتىپتى جالپى تەحنولوگيا سالاسىندا جۇرگەن جاستار اراسىندا بەلەڭ الىپ بارا جاتقان قۇبىلىس پا, كىم ءبىلسىن؟ ايتەۋىر, ءىس-شارا باستان-اياق ورىس تىلىندە ءوتتى. ونداعى تەحنولوگ قازاق جاستارىنىڭ كوبى ءوزارا ورىس تىلىندە سويلەسەتىنى بايقالادى. مۇگەدەكتىكتى جەڭگەنىمىزبەن, تىل­دەگى مۇكىستىكتى جەڭە الماي وتىر­عانىمىز قىنجىلتادى.