سەنات دەپۋتاتى سەرىك شايداروۆ ەلىمىزدىڭ سولتۇستىك, شىعىس, ورتالىق ايماعىنا گاز تارتۋ ماسەلەسىن قوزعاپ, ەنەرگەتيكا مينيسترىنە ساۋال جولدادى. سەناتور وڭىرلەردى تابيعي گازبەن قامتاماسىز ەتۋ ءۇشىن قانداي قام جاسالىپ جاتقانىن, قانشا قارجى بولىنگەنىن سۇرادى, دەپ حابارلايدى Egemen.kz جوعارعى پالاتانىڭ ءباسپاسوز قىزمەتىنە سىلتەمە جاساپ.
سەناتوردىڭ كوتەرگەن ماسەلەسىنە ەنەرگەتيكا ءمينيسترىنىڭ مىندەتىن اتقارۋشى حاسەنوۆ اسحات جاۋاپ بەردى.
ء«بىز مينيسترلىك تاراپىنان ەكى نۇسقانى قاراستىرىپ جاتىرمىز. ءبىرىنشى نۇسقا بويىنشا «سارىارقا» ماگيسترالدى گاز قۇبىرىن ءارى قاراي جالعاپ, استانا قالاسىنان كوكشەتاۋعا جانە پەتروپاۆل قالاسىنا دەيىن تارتۋ. بۇعان قوسىمشا قوستانايدان شىعىس قازاقستانعا دەيىن جاڭادان گاز قۇبىرى جەلىسىن سالۋ كوزدەلىپ وتىر. بىراق ول وتە كۇردەلى, اۋقىمدى جوبا, 2200 شاقىرىمنان اسادى. بۇل ءبىرىنشى نۇسقا. ەكىنشى نۇسقا بويىنشا رەسەي فەدەراتسياسىنان سولتۇستىككە جانە شىعىس قازاقستان وبلىسىنا گاز قۇبىرلارىن تارتۋ. ەكى نۇسقا دا ەگجەي-تەگجەيلدى پىسىقتالىپ جاتىر. تەحنيكالىق ەكونوميكالىق تۇرعىدان سالىستىرىلاتىن بولادى. ناتيجەسىندە ەڭ ءتيىمدى شەشىم قابىلدايمىز. بۇعان بولىنەتىن قاراجات جەتكىلىكتى مە دەگەن ساۋالعا قاتىستى ايتارىم, 2018 جىلدان بەرى گازداندىرۋعا بولىنەتىن قاراجات 5 ەسە ۇلعايدى, 18 ميللياردتان 90 ميللياردقا جەتتى. بۇل گازداندىرۋ ماسەلەسىن قارقىندى جۇرگىزۋگە مۇمكىندىك بەرەدى. ورتالىق وڭىرگە قاتىستى «سارىرارقا» ماگيسترالدى گاز قۇبىرى بار, گازداندىرۋ جۇمىستارىن جۇرگىزۋ قولعا الىنادى», دەدى ەنەرگەتيكا ءمينيسترىنىڭ مىندەتىن اتقارۋشى ا.حاسەنوۆ.