ەلوردانىڭ پوليتسيا قىزمەتكەرلەرى ەسىرتكى ارناسىنىڭ جولىن كەسۋ ماقساتىندا جەدەل ىزدەستىرۋ ءىس-شاراسىن جۇرگىزىپ, ەكى كۇدىكتى ۇستالدى, دەپ حابارلايدى Egemen.kz استانا قالاسى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
30 جاستاعى ەر ادامنىڭ ءۇيىن ءتىنتۋ بارىسىندا 10 كگ گاشيش سالىنعان سپورتتىق سومكە تاركىلەندى. ەكىنشى كۇدىكتىنىڭ دە ىزىنە ءتۇسىپ, كوشەدەن ۇستالدى. ونىڭ دا قالتاسىنان 205,90 گرامم گاشيش ەسىرتكىسى تابىلدى.
«وسى فاكت بويىنشا قر قك-ءنىڭ 297-بابىمەن «ەسىرتكى, پسيحوتروپتىق زاتتاردى, ولاردىڭ انالوگتارىن وتكىزۋ ماقساتىندا زاڭسىز دايىنداۋ, وڭدەۋ, ساتىپ الۋ, ساقتاۋ, تاسىمالداۋ, جونەلتۋ نەمەسە وتكىزۋ» سوتقا دەيىنگى تەرگەپ-تەكسەرۋ باستالدى. كۇدىكتىلەر قاماۋعا الىندى», دەلىنگەن اقپاراتتا.
بيىلعى جىلدىڭ قاڭتار ايىنان بەرى استانا قالاسىنىڭ پوليتسيا قىزمەتكەرلەرى 218 ەسىرتكى قىلمىسىن اشىپ, زاڭسىز اينالىمنان 265 كگ ەسىرتكى تاركىلەندى.