قازاقستان قۇراماسى ەۋرو-2024 ىرىكتەۋ كەزەڭىنىڭ شەشۋشى ماتچىندا جەڭىستى قولدان جىبەرىپ الدى. دەگەنمەن, ماگومەد اديەۆتىڭ كومانداسى ءتۋرنيردىڭ فينالدىق كەزەڭىنە جولداما الۋ مۇمكىندىگىن ساقتاپ قالدى, دەپ حابارلايدى Egemen.kz.
ەستەرىڭىزگە سالا كەتەيىك, ەۋرو-2024 جولداماسى ءۇشىن تارتىستا ۇلتتىق قۇراما سلوۆەنيا قۇراماسىنان جەڭىلىپ قالدى. ليۋبلياناداعى ويىن الاڭ يەلەرىنىڭ پايداسىنا (2:1) اياقتالدى.
وسىلايشا, دانيا مەن سلوۆەنيا (22 ۇپاي) قۇرامالارى ن توبىنان شىقتى. قازاقستان قوسىمشا كورسەتكىشتەر بويىنشا فينليانديادان (18) كەيىن, 18 ۇپايمەن ءتورتىنشى ورىنعا تۇراقتادى.
ەندى قازاقستاننىڭ ۇلتتار ليگاسىنىڭ پلەي-وفف كەزەڭى ارقىلى ءتۋرنيردىڭ فينالدىق كەزەڭىنە ءوتۋ مۇمكىندىگى بار. جارتىلاي فينالدا ءبىزدىڭ قۇراما گرەكيامەن, ودان كەيىن گرۋزيا-ليۋكسەمبۋرگ ويىنىن جەڭگەن قۇرامامەن ويىن وتكىزەدى. ەكى جەڭىس قازاقستاننىڭ ەۋرو-2024-كە شىعۋىنا مۇمكىندىك بەرەدى.
بۇل ىرىكتەۋ ناۋقانىندا قازاقستان التى جەڭىسكە جەتىپ, ءتورت رەت جەڭىلىسكە ۇشىرادى. ەۋرو-2024 جەرەبە تارتۋ ءراسىمى 23 قاراشادا شۆەيتساريانىڭ نون قالاسىندا وتەدى.