قازىرگى تاڭدا ەلىمىزدە كولىككە گاز باللونىن ورناتۋعا تىيىم جوق. دەگەنمەن كەز كەلگەن كولىك جوندەۋ ورنىندا جاسالاتىن بۇل قىزمەت قاۋىپتى بولۋى مۇمكىن. سوندىقتان ەنەرگەتيكا مينيسترلىگى ماسەلەنى شەشۋ ۇشىن گاز باللوندى جابدىقتاۋمەن اينالىساتىن كومپانيالارعا ليتسەنزيا الۋدى مىندەتتەۋ شاراسىن ويلاستىرىپ جاتىر, دەپ جازادى Egemen.kz.
ەنەرگەتيكا ۆيتسە-ءمينيسترى الىبەك جاماۋوۆ كولىكتى گازعا اۋىستىرۋعا شەكتەۋ قويۋ نە قاداعالاۋ ماسەلەسى قاراستىرىلىپ جاتقانىن ايتتى.
«100 پايىز شەكتەۋ بولمايدى. بىراق گاز جابدىقتارىنىڭ قايدان كەلگەنى, ساپاسى, قاي جەردە ورناتىلعانى تەكسەرىلەدى. قازىرگى ۋاقىتتا گاز باللونىن ورناتاتىن كومپانيالاردىڭ ليتسەنزياسى مۇلدەم جوق. مۇمكىن ليتسەنزيالىق قىزمەت جاسايتىن شىعارمىز. سونى ويلاستىرىپ جاتىرمىز», دەدى ۆيتسە-مينيستر.
ايتا كەتەيىك, ىشكى ىستەر مينيسترلىگىنىڭ رەسمي دەرەگىنشە, ەلىمىزدە سوڭعى جىلدا عانا 300 مىڭنان استام اۆتوموبيل سۇيىتىلعان مۇناي گازىنا كوشىرىلگەن.