29 قاراشا مەن 2 جەلتوقسان ارالىعىندا كوسوۆونىڭ استاناسى – پريشتينادا فۋتزالدان ۋەفا چەمپيوندار ليگاسىنىڭ ەليتالىق كەزەڭىنىڭ ويىندارى وتەدى.
كەشە جارىس كەستەسى جاريالاندى. ۆ توبىندا ونەر كورسەتەتىن الماتىنىڭ «قايراتى» تۇساۋكەسەر كەزدەسۋىن 29 قاراشادا جەرگىلىكتى «پريشتيناعا» قارسى وتكىزەدى. كەلەسى كۇنى پورتۋگاليانىڭ «بەنفيكا» كلۋبىمەن كۇش سىناسادى. سوڭعى ماتچتا سلوۆەنيانىڭ «دوبوۆەتسىمەن» شەبەرلىك بايقاسامىز. وسىلاردىڭ اراسىنداعى ەڭ ازۋلىسى «بەنفيكا» ەكەنى داۋسىز. 2001 جىلى پيرەنەي تۇبەگىندە جاساقتالعان كوماندا ەل بىرىنشىلىگى, ەل كۋبوگى جانە سۋپەركۋبوكتىڭ ارقايسىسىن سەگىز رەتتەن ولجالادى. 2009/2010 جىلعى ماۋسىمدا چەمپيوندار ليگاسىندا قارسىلاس شىداتپادى.
ال «پريشتينا» مەن «دوبوۆەتس» ءوز مەملەكەتتەرىنىڭ ماڭدايالدى كوماندالارى سانالعانىمەن, حالىقارالىق ارەنادا ولار اۋىز تولتىرىپ ايتارلىقتاي كورسەتكىشكە قول جەتكىزە العان جوق.