مادەنيەت جانە اقپارات ءمينيسترى ايدا بالاەۆا تاشكەنت قالاسىنا جۇمىس ساپارى شەڭبەرىندە وزبەكستاننىڭ مادەنيەت ءمينيسترى وزودبەك نازاربەكوۆپەن كەزدەستى, دەپ حابارلايدى Egemen.kz ورتالىق كوممۋنيكاتسيالار قىزمەتى سايتىنا سىلتەمە جاساپ.
كەزدەسۋ بارىسىندا ايدا بالاەۆا ەكى ەلدىڭ مادەنيەت سالاسىنداعى ءوزارا سەنىم مەن سەرىكتەستىكتىڭ جوعارى دەڭگەيىنە توقتالدى.
تاراپتار ىنتىماقتاستىقتى كەڭەيتۋ مۇمكىندىكتەرىن تالقىلاي كەلە مينيسترلىكتەر اراسىنداعى ءىس-قيمىلدىڭ ناقتى قادامدارى مەن تەتىكتەرىن ايقىندايتىن جول كارتاسىن ازىرلەۋگە كەلىستى.
قۇجاتتا كورسەتىلەتىن نەگىزگى ماسەلەلەر قاتارىندا ەكى مەملەكەت اراسىنداعى مادەني بايلانىستى نىعايتۋ, تاجىريبە الماسۋ, بىرلەسكەن جوبالاردى جۇزەگە اسىرۋ, ءىس-شارالار ۇيىمداستىرۋ ارقىلى مادەني مۇرانى بايىتۋ جانە ت.ب. بار.
كەزدەسۋ سوڭىندا ەكى ەلدىڭ ۆەدومستۆو باسشىلارى بىرلەسكەن جۇمىستى جالعاستىرۋدىڭ ماڭىزدىلىعىنا توقتالدى.