پەنسيلۆانيادان بۇيىرعان گرانت

وتاندىق جانە امەريكالىق تاراپ­تار­دىڭ ىنتىماقتاستىق جوسپارى 2022 جىلدىڭ قازان ايىندا جوسپارعا ەنگەن. وسى جىلدىڭ تامىزىندا جەتى ستۋدەنت ءارتۇرلى سەبەپپەن گرانتتار­دان باس تارتتى. قالعان 12 ستۋدەنت وقۋ­دى باستادى. ءبىزدىڭ تاراپتىڭ شاقىرۋى بويىنشا پەنسيلۆانيا مەملەكەتتىك ۋني­­ۆەرسيتەتىنىڭ وكىلى ستەفەن بارنس ەلىمىزگە كەلگەن ەدى. ساپار بارىسىندا ول عىلىم جانە جوعارى ءبىلىم ءمينيسترى ساياسات نۇربەكپەن, سونداي-اق استانا جانە الماتى قالالارىنداعى ءتورت ۋني­ۆەرسيتەتتىڭ باسشىلارىمەن كەزدەستى.

«ەلىمىزدەگى جوعارى وقۋ ورىن­­دارى مەن پەنسيلۆانيا مەم­لە­كەت­تىك ۋنيۆەرسيتەتى اراسىنداعى ىنتى­ماق­تاس­تىق ءبىلىم مەن عىلىم ءۇشىن جاڭا كوكجيەك اشادى. بولىنگەن گرانتتار مەن بىرلەسكەن ءبىلىم بەرۋ باعدارلامالارى ستۋدەنتتەر مەن وقىتۋشىلارعا الەمدىك ءبىلىم بەرۋ جانە عىلىمي كەڭىستىككە ەنۋگە, ونى دامىتىپ, ءوزىن با­يىتۋعا مۇمكىندىك بەرەدى. بۇل – ەلىمىزدىڭ بولاشاعىنا, ەر­تەڭ­گى كۇنىمىزدى قالىپتاستىراتىن ۇر­­­پاق­قا سالىنعان ينۆەستيتسيا», دەدى ساياسات نۇربەك.

بيىل پەنسيلۆانيا مەملە­كەت­تىك ۋنيۆەرسيتەتى ءال-فارابي اتىنداعى قازاق ۇلتتىق ۋني­ۆەر­سيتەتى, Maqsut Narikbayev University جانە نارحوز ۋنيۆەر­سي­تەتىمەن مەموراندۋمعا قول قويدى. بۇگىندە بۇل ىنتى­ماق­تاس­تىق ءوزىنىڭ ناقتى ناتي­جە­لە­رىن بەرىپ جاتىر. 13 قاڭتاردا اقش-تا عىلىم جانە جوعارى ءبىلىم ءمينيسترى ۋنيۆەرسيتەت باسشىلىعىمەن ەكىنشى رەت كەزدەسكەن ەدى. اتاپ ايتقاندا, ۆيتسە-پرەزيدەنت دجاستين شۆارتسپەن, ۆيتسە-پروۆوست رودجەر بريند­لەيمەن, پەنسيلۆانيا ۋني­ۆەر­سيتەتى زاڭ مەك­تەبىنىڭ دەكاندارىمەن جۇزدەسكەن. جيىن­دا امەريكالىق تاراپ تولى­عى­مەن قولداعان فيليال اشۋ مۇم­كىن­دىگىن تال­قى­لاندى.

«پەن­سيلۆانيا مەملەكەتتىك ۋني­ۆەر­سيتە­­تىنىڭ ءبىر عانا زاڭ مەكتەبى سەرىكتەس ۋني­­ۆەر­سي­تەت­تەردىڭ ستۋدەنتتەرىنە, دوك­­­­تورانتتارىنا, عىلىمي قىز­مەت­كەرلەرىنە گرانتتار تۇرىندە 2 ملن دوللارعا جۋىق تىكەلەي ينۆەستيتسيا ءبولدى. بۇل ودان ءارى ىنتىماقتاستىق ءۇشىن جاق­سى ۇلگى ءارى ءوز ناتيجەلەرىن كور­سەت­تى دە. كەلەسى وقۋ جىلىندا ءبىز باسقا مامان­دىقتار بويىنشا قوسىمشا وسىنداي باعدارلامالاردى ىسكە قوسۋدى جوسپارلاپ وتىرمىز», دەدى ستەفەن بارنس.

كەلەسى وقۋ جىلىندا تەك ءبىر ما­مان­دىق بويىنشا قوسىمشا 2 ملن دوللار ءبولىپ, 8 ماماندىق بويىنشا تىكەلەي ينۆەستيتسيانى ءۇش ەسە ارتتىرۋ جوسپارلانىپ وتىر. بۇل مامان­دىق­تار قاتارىندا ماتەريال­تانۋ, كيبەر­قاۋىپسىزدىك, گەولوگيا, مۇناي ينجەنەرياسى, اەروعارىشتىق ينجەنەريا, قۇقىقتانۋ, حالىق­ارالىق قاتىناستار بار. اتال­عان ما­مان­دىق­تار بويىنشا Satbayev University جانە ءال-فارابي اتىنداعى قازاق ۇلتتىق ۋنيۆەرسيتەتى بىرلەسىپ, «3+1» باعدارلاماسىن ازىرلەپ جاتىر. ياعني وتاندىق ستۋدەنتتەر ەلدە 3 جىل, اقش-تا 1 جىل وقيدى, تولىق 4 جىل وقۋ بارىسىندا قازاقستان ۋني­ۆەرسيتەتىنىڭ باكالاۆرى جانە «PennState» ماگيستر ديپلومىن الادى.