كۇندەلىكتى كۇيبەڭ تىرلىكتىڭ قامىمەن جۇرگەندە توسىن جاڭالىق ەستي قالساق, توسىلىپ قالاتىنىمىز راس. كەيبىر حابار ءتىپتى ەسەڭگىرەتىپ تاستايدى. ايتۆ ۆيرۋسى انىقتالعان پاتسيەنتتەر دە كوپ جاعدايدا كۇيزەلەدى. ءبىر مەزەتتە سۇحباتتاسىپ وتىرعان ەكىنشى ادامنىڭ ءسوزىن ەلەۋدەن قالادى. ويتكەنى بۇل كەزدە پاتسيەنت بىردەن توڭىرەكتەگىلەردىڭ كوزقاراسىنا, جۇمىسىنا, وتباسىنا الاڭدايدى. كوز الدىندا العا قويعان ماقساتتارى ب ۇلىڭعىرلانا باستاپ, بويىن ۇرەي, وكىنىش, ىزا بيلەۋى مۇمكىن. وسى كەزدە پاتسيەنتكە بويىنداعى ۇرەيدى جەڭۋ ءۇشىن بىلىكتى ماماننىڭ كومەگى اۋاداي قاجەت بولادى.
مۇندايدا پاتسيەنت دەپرەسسياعا بەرىلمەي, قويىلعان دياگنوزدى مويىنداپ, ەمشارا قابىلداۋدى كەيىنگە ىسىرماعانى ابزال. مامانداردىڭ ايتقان كەڭەسىن بۇلجىتپاي ورىنداپ, دۇرىس شەشىم قابىلداۋى قاجەت. بۇل ۆيرۋستى ەمدەۋ ءادىسى وتە قاراپايىم. تەگىن, جاسىرىن, امبۋلاتورلىق تۇردە وتەدى. جۇمىسىنا, وقۋ ورنىنا, تۋىستارىنا, بوگدە ادامدارعا ەشقانداي اقپارات بەرىلمەيدى. بارلىعى قۇپيا تۇردە جۇرگىزىلەدى.
ورتالىقتىڭ بىلىكتى ماماندارى پاتسيەنتتەردىڭ پسيحيكالىق كوڭىل كۇيىن تۇسىنە وتىرىپ, ورتاعا تەز بەيىمدەلىپ كەتۋىنە جاردەمدەسەدى. ءارى الەۋمەتتىك جاعىنان قورعاۋ ءۇشىن زاڭمەن قورعالعان كومەك كورسەتىلەدى. بىزدە دە شەتەلدەردەگى تاجىريبەگە سۇيەنىپ, ايتۆ ۆيرۋسىن الدىن الۋ شارالارى جۇرگىزىلىپ جاتىر. مەديتسينا عىلىمى دا ەمدەۋدىڭ جاڭا ادىستەرىن ىزدەۋگە دەن قويىپ وتىر. وسى اۋرۋمەن كۇرەستە جاڭا ءدارى-دارمەكتەر شىعارىلىپ, ونى تۇرمىستا وڭاي قولدانۋ ادىستەرى قاراستىرىلىپ جاتىر. مىسالى, كەيىنگى ۋاقىتتا ۆيرۋستى ەكسپرەسس تەست ارقىلى جىلدام انىقتاۋ ۇلگىسى پاتسيەنتتەر اراسىندا وتە قاراپايىم, قولجەتىمدى ءادىس بولىپ كەڭىنەن قولدانىلاتىن بولعان. تۇرعىندار اراسىندا ۆيرۋستىڭ بار-جوعىن تەكسەرۋگە قىزىعۋشىلىق ارتا تۇسكەن. بۇرىنعىداي سىناما ناتيجەسىن بىرنەشە كۇن توسۋدىڭ قاجەتى جوق.
وسى تۇرعىدا ايتا كەتسەك, استانا قالاسىنىڭ ايتۆ ينفەكتسياسىنىڭ الدىن الۋ ورتالىعىنداعى دوستىق كابينەتىنىڭ قىزمەتى جاستار اراسىندا ءتيىمدى ءارى قولايلى بولىپ وتىر. سەبەبى ايتۆ ينفەكتسياسى كوڭىل جاراستىرعان جۇپتاردىڭ بىرىندە انىقتالعان بولسا, وندا سەرىگىن جۇقپادان ساقتاپ قالۋ مۇمكىندىگى بار. ياعني مۇندايدا ۆيرۋس سەرىگىنە جۇقپاس ءۇشىن ۋاقىتشا تەگىن دارىلىك ەم قولدانىلادى. بۇل دارىلەر ۆيرۋستىڭ ەكىنشى ادامعا جۇعۋ قاۋپىن تومەندەتەدى. كەيىنگى كەزدە جۇكتى ايەلدەردى ەمحانالاردا ايەلدەر كونسۋلتاتسياسىنا تىركەۋگە العان كەزدە مىندەتتى تۇردە ەر-ازامات ايتۆ ينفەكتسياسىنا تەكسەرىلەدى. مۇندايدا ەر ادامنىڭ سىناماسىنان وڭ ناتيجە انىقتالسا, جۇكتى ايەلگە مىندەتتى تۇردە تەگىن دارىلىك ەم تاعايىندالادى. بۇل ءادىس – جۇكتىلىكتى, ءارى انا مەن ءسابيدى ايتۆ-دان ساقتاپ قالۋ ءۇشىن تاپتىرماس ەمشارا دەپ ايتۋعا بولادى.
بۇگىندە دۇنيەجۇزىلىك دەنساۋلىق ساقتاۋ ۇيىمىنىڭ شەشىمىمەن ايتۆ ۆيرۋسى سوزىلمالى اۋرۋلار ساناتىنا ەنگەن. ينفەكتسيا انىقتالعان پاتسيەنت مامانداردىڭ ەمشاراسىن ەكى ەتپەي قابىلداسا, جۇقپانىڭ كەلەسى ساتىعا وتۋىنە توسقاۋىل قويىلادى.
نەگىزى ايتۆ ۆيرۋسى – جيتس-تىڭ (جۇقتىرىلعان يممۋن تاپشىلىق سيندرومى) باستى سەبەبى سانالاتىن ىندەت. ايتۆ ەكىنشى ادامعا جىنىستىق قاتىناس, قان, انا ءسۇتى ارقىلى بەرىلۋى مۇمكىن. ينە, شپريتستەردى بىرنەشە رەت پايدالانۋ ايتۆ-نىڭ ەسىرتكى قولدانۋشىلار اراسىندا تاراتىلۋىنا اكەلىپ سوعادى. تۇرمىستىق جاعدايدا بۇل ۆيرۋس اس-سۋ, ىدىس-اياق, كيىم-كەشەك, سۋعا شومىلۋ, قۇشاقتاسۋ, امانداسۋ, مونشاعا ءتۇسۋ, جاندىكتەر شاعۋ ارقىلى جۇقپايدى.
كەيىنگى مالىمەتتەرگە جۇگىنسەك, ايتۆ/جيتس كورسەتكىشى جالپى ەلىمىز بويىنشا تىركەلۋ دەڭگەيى جاعىنان تومەندەمەگەن. بۇل, بىرىنشىدەن, قالاعا جان-جاقتان, ءتىپتى كورشى ەلدەردەن جاستاردىڭ شوعىرلانۋىنان, ەكىنشىدەن, جاستاردىڭ كەزدەيسوق جىنىستىق جاناسۋ كەزىندە ساقتاندىرۋ شارالارىن ەلەمەۋىنەن. ەگەر سىزدەردە ايتۆ-عا بايلانىستى سۇراقتار تۋىنداسا, ءبىزدىڭ مەكەمەنىڭ بىلىكتى ماماندارىنىڭ كومەگىنە جۇگىنۋگە ابدەن بولادى. ءبىزدىڭ مەكەنجايىمىز – ءى.ەسەنبەرلين 5/1. سەنىم تەلەفونى: 38-04-64
جۇماگۇل سماعۇلوۆا,
ايتۆ ينفەكتسياسىنىڭ الدىن الۋ ورتالىعىنىڭ مامانى
استانا