پرەزيدەنت قاسىم-جومارت توقاەۆ ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى جاندوس شايماردانوۆتى قابىلدادى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
مەملەكەت باسشىسىنا قازاقستان ەكونوميكاسىنداعى قۇرىلىمدىق جانە ينستيتۋتسيونالدىق رەفورمالاردىڭ جۇزەگە اسىرىلۋىنا جاسالعان ساراپتاما جۇمىستارى تانىستىرىلدى.
بۇدان بولەك, پرەزيدەنتكە ۇلتتىق ستاتيستيكانى رەفورمالاۋ جونىندەگى باعدارلامانىڭ ىسكە اسىرىلۋ بارىسى جانە ۇلتتىق ستاتيستيكا بيۋروسىن تسيفرلىق ۆەدومستۆوعا اينالدىرۋ جونىندەگى تاپسىرماسىنىڭ ورىندالۋى تۋرالى مالىمەت بەرىلدى.
اگەنتتىك توراعاسى مەملەكەتتىك ستاتيستيكا جانە دەرەكتەردى باسقارۋ ماسەلەلەرى بويىنشا زاڭ جوباسى ازىرلەنگەنىن باياندادى.
كەزدەسۋ سوڭىندا قاسىم-جومارت توقاەۆ الەۋمەتتىك-ەكونوميكالىق رەفورمالاردى ساپالى ازىرلەۋ ماڭىزدى ەكەنىن اتاپ ءوتىپ, وسى باعىتتاعى جۇمىستى جالعاستىرۋدى تاپسىردى.