ەلوردادا كەزەكتى بوس جۇمىس ورىندارى جارمەڭكەسى وتەدى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
«ەڭبەك موبيلدىلىگى ورتالىعى» كمم 2023 جىلعى 9 قاراشادا ساعات 14.30 - 17.00 ارالىعىندا «جاستار» سارايىندا «بوس جۇمىس ورىندارى جارمەڭكەسىن» وتكىزەدى.
جارمەڭكەدە قالا اۋماعىندا ورنالاسقان مەملەكەتتىك مەكەمەلەر مەن كاسىپورىندارداعى تۇراقتى جانە ۋاقىتشا جۇمىس ورىندارىنداعى بوس جۇمىس ورىندارى ۇسىنىلادى.
جارمەڭكەگە قۇرىلىس, ءبىلىم, مەديتسينا, ساۋدا, كولىك-لوگيستيكا, قارجى جانە ت.ب سالالارداعى جۇمىس بەرۋشىلەر قاتىسادى. بوس جۇمىس ورىندارى جارمەڭكەسىنە «وتباسى بانك» اق, «تسەنتر يپوتەكي استانا» جشس, «QazaqZher» جشس, «استانا تازالىق» جشس, «بانك تسەنتركرەديت» اق استانا قالاسىنداعى فيليالى جانە باسقا دا كوپتەگەن جۇمىس بەرۋشى كومپانيالار قاتىسادى.
سونداي-اق ءىس-شارا اياسىندا «جاستار پراكتيكاسى», «العاشقى جۇمىس», «ۇرپاقتار كەلىسىمشارتى» باعدارلامالار كاسىپتىك وقىتۋ جانە «enbek.kz» پورتالىمەن جۇمىس ىستەۋ بويىنشا ءتۇسىندىرۋ جۇمىسى جۇرگىزىلەدى.