پەتروپاۆلدا 9 قاراشادان باستاپ جەرگىلىكتى اۋقىمداعى تەحنوگەندىك سيپاتتاعى توتەنشە جاعداي ەنگىزىلەدى. بۇعان قالاداعى كارىز كوللەكتورلارىنىڭ ءبىرىنىڭ ابدەن توزىعى جەتىپ, زاقىمدانۋى سەبەپ بولعان, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
اكىمدىك ۇسىنعان اقپاراتقا سايكەس, 7 قاراشا كۇنى وبلىس ورتالىعىنداعى جۋكوۆ - ن.نازارباەۆ كوشەلەرىنىڭ اۋدانىندا ورنالاسقان ديامەترى 800 مم كارىز كوللەكتورى زاقىمداندى. 1956 جىلى سالىنعان بۇل كوللەكتور 19-شى, 20-شى شاعىن اۋدانداردان, جۇمىسشى كەنتىنەن, بەرەكە شاعىن اۋدانىنان, ۆوكزال اۋدانىنان, نەفتەپروۆودنايا كوشەسىنىڭ ايماعىنداعى اعىنداردى جينايدى.
«قازىرگى ۋاقىتتا كوللەكتور جۇمىس ىستەپ تۇر. ول ءارى قاراي جۇمىس ىستەۋى ءۇشىن ءبىز جەرگىلىكتى اۋقىمداعى تەحنوگەندىك سيپاتتاعى توتەنشە جاعدايدى جاريالاۋ تۋرالى شەشىم قابىلدادىق. توتەنشە جاعداي رەجيمى 9 قاراشادان باستاپ ەنگىزىلەدى. ءبىز تەز ارادا 700 مەتر كارىز قۇبىرىن جوندەيمىز.
قۇبىرلاردىڭ توزۋىنا بايلانىستى ولاردىڭ زاقىمدانۋى جيىلەپ كەتتى. كوللەكتوردىڭ تولىق ىستەن شىعۋىن بولدىرماۋ ءۇشىن وسى ۋچاسكەگە شۇعىل جوندەۋ جۇمىستارىن جۇرگىزۋ قاجەت. وسىعان بايلانىستى, قالا اكىمدىگى كوللەكتورعا جەدەل جوندەۋ جۇرگىزۋ ءۇشىن وسىنداي شەشىم قابىلداپ وتىر. قازىر ءتيىستى قۇجات نقا پورتالىندا جاريالاندى», دەدى پەتروپاۆل اكىمى سەرىك مۇحامەديەۆ.
قالا اكىمىنىڭ ايتۋىنشا, كوللەكتوردا تەكسەرۋ جۇرگىزىلدى, «قىزىلجار سۋ» جشس كۇردەلى جوندەۋگە كىرىسىپ كەتتى. بۇل ماسەلە وبلىس پەن قالا باسشىلىعىنىڭ باقىلاۋىندا بولادى.