اباي وبلىسىندا ەكى بالا سىرىڭكەمەن ويناپ وتىرىپ, 82 توننا ءشوپتى ورتەپ جىبەردى, دەپ حابارلايدى Egemen.kz ىشكى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
وقىس وقيعا اقسۋات اۋدانىندا بولدى. جەرگىلىكتى تۇرعىننىڭ قىسقى مال ازىعىنا دەپ جيعان 82 توننا ءشوپتى مەكتەپ جاسىنداعى ەكى بالا ويناپ وتىرىپ ورتەپ جىبەرگەن.
جابىرلەنۋشىگە كەلگەن شىعىن مولشەرى – 4 ميلليون تەڭگە. كامەلەتتىك جاسقا تولماعان بالالاردىڭ اعات ارەكەتى ءۇشىن كەلگەن شىعىندى ولاردىڭ زاڭدى وكىلدەرى وتەيدى.
قك-ءنىڭ 202-بابى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
ەسكە سالا كەتسەك, ەگەر اتا-اناسىنىڭ باقىلاۋىنان تىس قالعان بالالار وت تۇتاتىپ, ورتتەن بىرەۋ جاپا شەكسە, وندا اتا-انالار بالاسى ءۇشىن زاڭدا بەلگىلەنگەن تارتىپپەن جاۋاپ بەرەدى.