اباي وبلىسىنا قاراستى كۋرچاتوۆ قالاسى مەن اباي اۋدانى اكىمدەرى سايلاۋىنىڭ قورىتىندىسى ءمالىم بولدى, دەپ جازادى Egemen.kz.
اتالعان وبلىستىڭ اۋماقتىق سايلاۋ كوميسسياسىنىڭ مالىمەتىنشە, پيلوتتىق رەجيمدە 5 قاراشادا وتكەن سايلاۋ قورىتىندىسى بويىنشا كۋرچاتوۆ قالاسىنىڭ اكىمى بولىپ ابدراليەۆ بولات تاڭسىقباي ۇلى, ال اباي اۋدانى اكىمى لاۋازىمىنا سماعۇلوۆ مەيىرجان سەرىكبوسىن ۇلى سايلاندى.
ايتا كەتسەك, سايلاۋشىلار تىزىمىنە 15 528 ازامات ەنگىزىلگەن. داۋىس بەرۋگە - 10 277 سايلاۋشى, ونىڭ ىشىندە ەسەپتەن شىعارۋ كۋالىكتەرى بويىنشا - 6, داۋىس بەرۋگە ارنالعان ءۇي-جايلاردان تىس – 863 ادام قاتىستى.