سۋ رەسۋرستارى جانە يرريگاتسيا مينيسترلىگىندە جاڭادان قۇرىلاتىن ەكى باسقارما كورشى ەلدەرمەن سۋ ماسەلەسىن شەشەدى. بۇل تۋرالى وسى سالاعا جاۋاپتى مينيسترلىكتىڭ ءباسپاسوز قىزمەتى حابارلادى.
سۋ رەسۋرستارى جانە يرريگاتسيا مينيسترلىگىنىڭ جانىنان ەكى جاڭا باسقارما قۇرىلادى. ولاردىڭ ءبىرى ورتالىق ازيا ەلدەرىمەن قارىم-قاتىناس ماسەلەلەرىمەن شۇعىلدانسا, ەكىنشى باسقارما قىتاي جانە رەسەيمەن تىرشىلىك نارىنە قاتىستى بايلانىستى نىعايتادى. قازاقستانداعى سۋارمالى جەردىڭ 80%-ى وڭتۇستىك وڭىرگە تيەسىلى. ەندەشە جەر ەمگەن ديقانداردىڭ سۋعا دەگەن زارۋلىگىن تۋدىرماۋدىڭ ءبىر جولى – ورتالىق ازيا ەلدەرىمەن ىنتىماقتاستىقتى جاڭا دەڭگەيگە كوتەرۋ قاجەت. سوندىقتاندا جاڭادان قۇرىلاتىن قوس باسقارماعا ارتىلار جۇك تە سالماقتى بولماق.