استانا قالاسىندا وتكەن تۇركى مەملەكەتتەرى ۇيىمىنىڭ 10-شى سامميتىندە 12 قۇجاتقا قول قويىلدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
اتاپ ايتقاندا ەلوردا تورىندە:
استانا اكتىسى; تۇركى مەملەكەتتەرى ۇيىمى 10-شى ءسامميتىنىڭ دەكلاراتسياسى; وزبەكستان پرەزيدەنتى شاۆكات ميرزيوەۆتى «تۇركى الەمىنىڭ ەڭ جوعارعى وردەنىمەن» ماراپاتتاۋ تۋرالى مەملەكەتتەر باسشىلارىنىڭ شەشىمى; تۇركى الەمىنىڭ قارجى ورتالىقتارى مارتەبەسىن بەرۋ تۋرالى مەملەكەتتەر باسشىلارىنىڭ شەشىمى; تۇركى ىنتىماقتاستىعى ۇيىمدارىنىڭ جاڭا تۋلارىن قابىلداۋ تۋرالى شەشىم; تاعايىنداۋلار تۋرالى مەملەكەتتەر باسشىلارىنىڭ شەشىمى; ەكونوميكالىق ىنتىماقتاستىق ۇيىمىنا تۇركى مەملەكەتتەرى ۇيىمىنىڭ بايقاۋشى مارتەبەسىن بەرۋ تۋرالى شەشىم; 6 اقپان – تابيعي اپاتتار قۇرباندارىن ەسكە الۋ جانە تۇركى مەملەكەتتەرى ۇيىمىنىڭ ىنتىماقتاستىعى كۇنى دەپ بەكىتۋ تۋرالى شەشىم; تۇركى مەملەكەتتەرى ۇيىمى حاتشىلىعىنىڭ بيۋدجەتىن باسقارۋ ەرەجەسى تۋرالى شەشىم; «تۇركى مەملەكەتتەرى ۇيىمى تۇراقتى وكىلدەرى جونىندەگى ەرەجەنى» ازىرلەۋ تۋرالى شەشىم; تۇركى مەملەكەتتەرى ۇيىمىنا مۇشە مەملەكەتتەردىڭ ءتيىستى مەكەمەلەرى اراسىنداعى مەترولوگيا سالاسىنداعى ىنتىماقتاستىق تۋرالى حاتتاما; تۇركى مەملەكەتتەرى ۇيىمىنىڭ 2023-2027 جىلدارعا ارنالعان كولىك بايلانىسى باعدارلاماسىن ىسكە اسىرۋ جونىندەگى بىرلەسكەن ءىس-شارالار جوسپارى (جول كارتاسى) سىندى قۇجاتتار قابىلداندى.