بۇل تۋرالى مەملەكەت باسشىسى قاسىم-جومارت توقاەۆ تۇركى مەملەكەتتەرى ۇيىمىنىڭ 10-شى سامميتىندەگى سوزىندە ايتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«قازاقستاننىڭ باستاماسىمەن قۇرىلعان تۇركىتىلدەس مەملەكەتتەر ىنتىماقتاستىعى كەڭەسى قازىر تولىققاندى بەدەلدى حالىقارالىق ۇيىمعا اينالدى. «تۇركى الەمىنىڭ كەلەشەگى – 2040» اتتى قۇجات بەكىتىلدى. ەڭ باستىسى, باۋىرلاس ەلدەردىڭ بىرلىگىن بەكەمدەي تۇستىك. ورتاق قۇندىلىقتارىمىزدى تورتكۇل دۇنيەگە تانىتتىق.
ءبىز بابالار وسيەتىن ورىنداپ, تۇركى ەلدەرىنىڭ ىنتىماعىن نىعايتىپ كەلەمىز. ەندىگى ماقسات – ءوزارا سەنىمگە جانە باۋىرلاستىققا نەگىزدەلگەن بىرلىگىمىزدى ساقتاپ, وسكەلەڭ ۇرپاققا تابىستاۋ.
تۇركى الەمى جاھاندىق ىقپالى بار ەلدەرمەن تەڭ دارەجەدە قارىم-قاتىناس جاساپ وتىر. باسقا مەملەكەتتەر ءبىزدىڭ ۇيىمنىڭ ۇستانىمدارىنا باسا ءمان بەرەتىن بولدى. سوندىقتان تۇركى حالىقتارىنىڭ ىقپالداستىعىن ارتتىرا ءتۇسۋ – بارىمىزگە ورتاق مىندەت», دەدى ەل پرەزيدەنتى.