ەرتىس-بايان وڭىرىندە كولىك گازىنىڭ 1200 توننا قورى بار. جەرگىلىكتى مۇناي وڭدەۋ زاۋىتى قازىرگى كۇنى كىدىرىسسىز جۇمىس ىستەپ, ايىنا 25 مىڭ تونناداي سۇيىتىلعان گاز ءوندىرىپ وتىر.
گازدىڭ كولەمى – شامامەن 5,5 مىڭ تونناداي. قازىرگى قولدا بار قور شامامەن ءبىر اپتاداي ۋاقىتقا جەتەدى. دەگەنمەن پاۆلودار مۇناي-حيميا زاۋىتى كوگىلدىر وتىندى تاراتۋدا جەرگىلىكتى نارىققا باسىمدىق بەرەتىنىن ەسكەرسەك, وڭىردەگى بەكەتتەرگە گاز جەتكىزۋدە كۇردەلى ماسەلە جوق. تەك وتكەن ايدا زاۋىتتان تيەۋدە ءبىراز قيىندىقتار تۋىندادى. بۇعان اتىراۋداعى مۇناي وڭدەۋ زاۋىتىنىڭ جوندەۋگە توقتاۋى سەبەپ بولعان. وسىعان وراي كەيبىر گاز بەكەتتەرىنە وتىن ءتۇرى ۋاقىتىنان كەش ءتۇستى.
– سۇيىتىلعان گازدى وتكەن ايدا وزگە وبلىستار ءبىزدىڭ ايماقتان كوبىرەك ساتىپ الا باستاعانىنا وراي ءونىمدى تيەۋدە كەزەك قالىپتاسىپ قالدى. وسى سەبەپتەن كەيبىر جەرگىلىكتى شاعىن بەكەتتەردە ىركىلىستەر بولۋى مۇمكىن. دەيتۇرعانمەن, قازىرگى ۋاقىتتا وبلىستا گاز قورى جەتكىلىكتى, 1200 توننا سۇيىتىلعان گاز بار. گاز باعاسى بەكەتتەردە 74-79 تەڭگە كولەمىندە ۇستالىپ تۇر. بەكەتتەر قالاسا, نارىقتاعى گاز بيرجاسىنا قاتىسىپ, يمپورت وتىندى اكەلە الادى, – دەيدى وڭىرلىك ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى ءبولىم باسشىسىنىڭ مىندەتىن اتقارۋشى الىشەر تەمىرتاس.
قازىرگى ۋاقىتتا گاز تەك «مونوليت» بەكەتتەرىندە عانا تالونمەن ساتىلىپ جاتىر. وزگەسىندە اشىق ساتىلىمدا. ءوڭىر بويىنشا 14 كومپانيا اۆتوگاز ساتۋمەن اينالىسسا, ولارعا جالپى سانى 86 بەكەت تيەسىلى.