مەملەكەتتىك كەڭەسشى ەرلان قاريننىڭ توراعالىعىمەن قازاقستان رەسپۋبليكاسىنىڭ پرەزيدەنتى جانىنداعى ازاماتتىق ماسەلەلەر جونىندەگى كوميسسيانىڭ كەزەكتى وتىرىسى ءوتتى.
وتىرىستا ازاماتتىق تۋرالى بىرقاتار ماسەلە قارالدى. سونىمەن قاتار كوميسسيا قىزمەتىنىڭ نەگىزگى باعىتتارى بويىنشا قازاقستان رەسپۋبليكاسى پرەزيدەنتىنىڭ قۇقىقتىق ماسەلەلەر جونىندەگى كومەكشىسى ەرجان جيەنباەۆتىڭ, ىشكى ىستەر ءمينيسترى ەرجان سادەنوۆتىڭ جانە ءتيىستى مەملەكەتتىك ورگاندار اتقارعان جۇمىستار تۋرالى وزگە دە لاۋازىمدى تۇلعالاردىڭ ەسەبى تىڭدالدى.
سونىمەن قاتار كوميسسيا توراعاسى قازاقستان ازاماتتىعىنان شىققىسى كەلەتىن تۇلعالاردىڭ سانى كەيىنگى 4 جىلدا 15 ەسەگە تومەندەگەنىن ايتىپ, مۇنى وڭ ءۇردىس رەتىندە باعالادى. ناقتى ايتقاندا, 2019 جىلى مۇنداي ادامداردىڭ سانى 1,7 مىڭ, 2020 جىلى – 0,9 مىڭ بولسا, 2021 جىلى – 123, ال 2022 جىلى 114 ادام بولعان.
كوميسسيا قورىتىندىسى بويىنشا ءتيىستى شەشىمدەر قابىلدانىپ, ناقتى ۇسىنىمدار ازىرلەندى.