بۇگىن استانا قالاسى كوممۋنيكاتسيالار قىزمەتىندە «استانا قالاسىنداعى ەلەكتروەنەرگيا سالاسىنداعى وزەكتى ماسەلەلەر» تۋرالى بريفينگ ءوتتى, دەپ حابارلايدى Egemen.kz استانا قالاسى اكىمدىگىنىڭ رەسمي سايتىنا سىلتەمە جاساپ.
«اۋرۋحانالار مەن پەرزەنتحانالاردا وقىس جاعدايلار تىركەلگەن جوق. بارلىق ناۋقاس تولىق كولەمدە مەديتسينالىق كومەك الدى. ولاردىڭ ءومىرى مەن دەنساۋلىعىنا قاۋىپ جوق», دەدى استانا قالاسى اكىمىنىڭ ءبىرىنشى ورىنباسارى نۇرلان نۇركەنوۆ.
قالاداعى بارلىق اۋرۋحانادا گەنەراتورلار بار. ولار ەلەكتر قۋاتى بولماعان كەزدە وزدىگىنەن قوسىلادى. الماتى جانە بايقوڭىر اۋداندارىنىڭ اۋرۋحانالارى گەنەراتورلاردىڭ كومەگىمەن مەديتسينالىق ۇيىمداردا ەلەكتر قۋاتىن ءىشىنارا قوسقان.
ياعني ءبىرىنشى كەزەكتە ەلەكتر ەنەرگياسى جان ساقتاۋ جانە تەراپيا بولىمىنە سونداي-اق وپەراتسيالىق بلوكتاردا جۇزەگە اسىرىلادى. اۋرۋحانالاردىڭ قالعان بولىمدەرى مەن پالاتالارىندا جارىق بولمادى. سەبەبى ءبىرىنشى كەزەكتە گەنەراتورلاردىڭ كومەگىمەن جان ساقتاۋ ءبولىمى مەن وپەراتسيالىق بلوكتار ەلەكتر قۋاتىنا قوسىلادى. اۆاريالىق جۇمىستار قالپىنا كەلتىرىلگەن سوڭ جارىق بارلىق كورپۋسقا بەرىلدى.