«الەۋمەتتىك جەلىلەردە «ارسەلورميتتال تەمىرتاۋ» اق-نى باسقا شەتەلدىك ينۆەستورلارعا بەرۋ تۋرالى اقپارات تاراپ جاتىر. بۇل اقپارات شىندىققا سايكەس كەلمەيتىنىن حابارلايمىز. قازىرگى ۋاقىتتا كاسىپورىندى قازاقستان رەسپۋبليكاسىنىڭ پايداسىنا قايتارۋ بويىنشا جۇمىس جۇرگىزىلىپ جاتىر. ۇكىمەت «امت» اق-نى ءارى قاراي باسقا شەتەلدىك ينۆەستورلارعا بەرۋ ماسەلەسىن قاراستىرىپ جاتقان جوق», دەپ جازدى رۋسلان جەلدىباي.
ەسكە سالايىق, «ارسەلورميتتال تەمىرتاۋ» اق-عا قاراستى كوستەنكو شاحتاسىنان ءورت شىقتى. سوڭعى دەرەكتەر بويىنشا كوستەنكو اتىنداعى شاحتادا قازا تاپقاندار سانى 21-گە جەتتى. پرەزيدەنت ۇكىمەتكە «ارسەلورميتتالتەمىرتاۋ» كومپانياسىمەن ينۆەستيتسيالىق ىنتىماقتاستىقتى توقتاتۋدى تاپسىردى. باس پروكۋراتۋرا اتالعان ىسكە قاتىستى سوتقا دەيىنگى تەرگەپ-تەكسەرۋدى باستادى. مەملەكەت باسشىسىنىڭ تاپسىرماسىنا سايكەس پرەمەر-مينيستر ءاليحان سمايىلوۆتىڭ توراعالىعىمەن قاراعاندى وبلىسىندا «ارسەلورميتتال تەمىرتاۋ» اق-نىڭ كوستەنكو اتىنداعى شاحتاسىندا ورىن العان اپاتتىڭ سەبەپتەرىن تەرگەۋ جانە ونىڭ سالدارىن جويۋ جونىندەگى ۇكىمەتتىك كوميسسيا قۇرىلدى.