ء«دىن ماسەلەلەرى بويىنشا بىلىكتى ماماندار دايارلاۋ» جوباسى اياسىندا شىعىس قازاقستان وبلىسىندا اقپاراتتىق-ءتۇسىندىرۋ توپتارىنىڭ مۇشەلەرىنە ارنالعان وقىتۋ سەمينارلارى مەن ترەنينگتەرى ىسكە اسىرىلدى.
ءدىن ىستەرى كوميتەتىنىڭ قولداۋىمەن اعىمداعى جىلدىڭ 19-20 قازانىندا شىعىس قازاقستان وبلىسىندا ءدىن ماسەلەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. وعان ء«دىن زەرتتەۋ ورتالىعى» كمم, «اقنيەت» قق ماماندارى, پسيحولوگتارى مەن تەولوگتارى, جەرگىلىكتى اتت مۇشەلەرى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – ءدىنتانۋشى مىرزاەۆ بالعابەك ابدىقايىم ۇلى, نەيرولينگۆيستيكالىق باعدارلامالاۋ مامانى, پسيحولوگ سەيتقالي ميرزادا شاحمان ۇلى, ريتوريكا مامانى امانبەك تولقىن, «الەۋمەتتانۋ» عىلىمدارىنىڭ كانديداتى جاقيانوۆ تالعات جاردەمقۇل ۇلى سەمينار وقىدى.
سەيتقالي ميرزادا شاحمان ۇلى «بولەزني ەگو ي پۋتي يح يزلەچەنيا» تاقىرىبىندا كەزدەسىپ, ماماندارداردى پسيحولوگيالىق دەنساۋلىقتى ۇستاپ, پسيحيكالىق ەتيكالىق پرينتسيپتەرگە سۇيەنە وتىرىپ جۇمىس جاساۋ ادىستەرىن ءتۇسىندىردى. كەلەسى كەزەكتە, «ۆليانيە دەتسكيح تراۆم نا جيزنەدەياتەلنوست ليچنوستي» تاقىرىبىندا سەمينار وقىپ, تەرروريزم مەن ەكسترەميزمدى تۋعىزاتىن پسيحولوگيالىق اسپەكتەر, وعان ىلىنەتىن ادامداردىڭ سيپاتتاماسى, جانە پسيحولوگيالىق ءتۇپ-تامىرىن انىقتاۋ ادىستەرىن اتاپ ءوتتى. دارىسكەر قاتىسۋشىلارعا ادامدارمەن جۇمىس جاساۋ كەزىندە سترەسس مولشەرىن جەڭىلدەتۋگە باعىتتالعىن ترەنينگ وتكىزدى.
مىرزاەۆ بالعابەك ابدىقايىم ۇلى «قازاقستان رەسپۋبليكاسىنداعى راديكالدىق جانە ەكسترەميستىك باعىتتاعى ءدىني اعىمدار جانە ولاردىڭ بەلسەندىلىگى تۋرالى» تاقىرىبى اياسىندا تىڭداۋشىلارعا دەسترۋكتيۆتى ءدىني اعىمداردىڭ قوعامعا قاۋپى, نەكە جانە وتباسى ينستيتۋتىنا, ادام دەنساۋلىعىنا قاتەرى تۋرالى ايتىپ ءوتتى.سونداي-اق, «زايىرلىلىق جانە ونىڭ ءدىني بىرلەستىكتەرمەن قارىم-قاتىناسىنىڭ نەگىزگى پرينتسيپتەرى» تاقىرىبىندا زايىرلىلىق, زايىرلى مەملەكەت: ۇعىمى, ءمانى, سيپاتى, زايىرلى ادەپ نەگىزدەرى تۋرالى ءسوز قوزعادى.
امانبەك تولقىن «ريتوريكا. كوپشىلىك الدىندا سويلەۋ داعدىلارىن مەڭگەرۋ» تاقىرىبىمەن قاتىسۋشىلارعا ادام بويىنداعى جاسقانشاقتىقتى جويۋ, داۋىستىڭ ىرعاعى, تەمبرى, ينتوناتسيانى دۇرىس قولدانۋ, ەكپىندى دۇرىس قويۋ, دۇرىس تىنىس الۋ ماڭىزدىلىعىن اتاپ ءوتتى. سونىمەن قاتار, «ديكتسيانى جاقسارتۋعا ارنالعان قۇرالدار» تاقىرىبىاياسىندا وراتورلىق شەبەرلىكتى دامىتۋعا باعىتتالعىن ارنايى جاتتىعۋلار مەن ادىستەردى كورسەتىپ, ترەنينگ وتكىزدى.
جاقيانوۆ تالعات جاردەمقۇل ۇلى «زايىرلىلىق قوعامدىق كەلىسىم مەن تۇراقتىلىتىڭ نەگىزى رەتىندە» تاقىرىبىندا جالپى تەوريالىق اقپارات بەرىپ, قاتىسۋشىلارمەن جۇمىس جاسادى. سونداي-اق «قازاقستانداعى ءدىني احۋال: نەگىزگى ماسەلەلەر مەن تەنديتسيالار» تاقىرىبىمەن قازاقستانداعى ءدىني جاعدايلاردى تۇسىندىرە وتىرا, وعان قاتىستى كۇردەلى سۇراقتارعا جاۋاپ بەرۋ ادىستەرىن ۇيرەتتى.
سونىمەن قاتار سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇششىمدى جاۋاپتار الىندى.