مەملەكەت باسشىسى قاسىم-جومارت توقاەۆ جىل سايىن تويلاناتىن ايتۋلى مەرەكەنىڭ ءمانى مەن ماڭىزى تۋرالى ءسوز قوزعاپ, ەل ازاماتتارىن وتانعا دەگەن شىنايى سۇيىسپەنشىلىكتى دارىپتەۋگە شاقىردى, دەپ حابارلايدى Egemen.kz.
پرەزيدەنتتىڭ ايتۋىنشا, قاستەرلى تاۋەلسىزدىگىمىزدى قورعاپ, جان-جاقتى نىعايتۋ – ءبارىمىزدىڭ ورتاق مىندەتىمىز, قازىرگى جانە بولاشاق ۇرپاق الدىنداعى پەرزەنتتىك پارىزىمىز.
ء«بىز رەسپۋبليكا كۇنىنىڭ ءمان-ماڭىزىن, ونىڭ مىقتى مەملەكەت جانە كوزى اشىق, كوكىرەگى وياۋ ۇلت قالىپتاستىرۋعا باعىتتالعان اۋقىمدى وزگەرىستەردىڭ سيمۆولى رەتىندەگى تەرەڭ ماعىناسىن جاستارعا ءتۇسىندىرۋىمىز كەرەك», دەدى قاسىم-جومارت كەمەل ۇلى مەملەكەتتىك ناگرادالار مەن سىيلىقتار تاپسىرۋعا ارنالعان سالتاناتتى ءراسىم بارىسىندا.
وسى تۇستا مەملەكەت باسشىسى رەسپۋبليكا كۇنى حالىقتىڭ بولاشاققا سەنىمىن نىعايتاتىن ەرەكشە مەيرام بولۋى كەرەك ەكەنىن ەسكە سالدى. پرەزيدەنتتىڭ پايىمىنشا, وسى ماقساتتا پاتريوتتىق, قايىرىمدىلىق جانە ۆولونتەرلىك ءىس-شارالاردى كوپتەپ ۇيىمداستىرعان ءجون.«ەگەمەندىك كۇنى ۇلتتى ۇيىستىراتىن ناعىز ەلدىكتىڭ مەيرامىنا اينالۋعا ءتيىس. ياعني, وسى قاستەرلى مەرەكەدە وتانعا دەگەن شىنايى سۇيىسپەنشىلىكتى دارىپتەۋىمىز كەرەك. بۇل – بارشامىزعا ورتاق ءىس. سوندىقتان ءبارىمىز ءبىر ەل بولىپ اتسالىسايىق!», دەپ تۇيىندەدى پرەزيدەنت.