كەشە قىتايدىڭ حانچجوۋ قالاسىندا ءىV جازعى ازيا پارا ويىندارى جالاۋىن جەلبىرەتتى. ەلىمىزدەن بارعان سپورتشىلار بۇگىن العاشقى مەدالدى ولجالادى, دەپ حابارلايدى Egemen.kz تۋريزم جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.
جاڭىل بالتاباەۆا پارا كانوەدان VL3 200 جەكەلەي باعدارلاماسىندا قولا جۇلدەگەر اتاندى. بۇل سىندا ازيا پارا ويىندارىنىڭ التىنىن وزبەكستان سپورتشىسى السا, كۇمىس مەدال قىتاي اتلەتىنىڭ قانجىعاسىنا بايلاندى.