جىلجىمالى عيماراتتار

«قازاقستان تەمىر جولى» قا­ۋىپ­سىز ەڭبەك جاعدايلارىن قام­تاماسىز ەتۋ ماقساتىمەن جۇ­مىسى جولمەن بايلانىستى جەلىلىك كا­سىپ­ورىنداردىڭ تەمىر­جول­شى­لا­رىنىڭ ۋاقىتشا تۇرۋى مەن دە­مالۋىنا جىلجىمالى عيما­راتتار ورناتىپ جاتىر. بۇل جول­شى­لاردىڭ يگىلىگى ءۇشىن جاسالىپ جاتىر.

بۇگىنگى تاڭدا ماگيسترالدىق جەلىنىڭ اقمولا, قوستاناي, سەمەي, اقتوبە, اتىراۋ بولىم­شەلەرىنىڭ جول شارۋاشىلىعى كا­سىپ­ورىن­­دا­رىندا 29 مودۋلدىك عيمارات ورنا­تىلدى. اعىمداعى جىلدىڭ سوڭىنا دەيىن قتج جەلىسىندە – 102, 2024 جىلى 113 جىلجىمالى عي­مارات پايدالانۋعا بەرىلمەكشى.

ماگيسترالدىق جەلى ديرەكتسياسى كاسىپ­ورىندارىنىڭ قاجەت­تى­لى­گى­نە قاراي سىيىم­دى­لىعى 8-دەن 10 ادامعا دەيىنگى مودۋلدەر ورناتىلۋدا.

جىلجىمالى عيماراتتاردى مون­تاجداۋ قىسقا مەرزىمدە جۇزەگە اسى­رىلادى. ورناتۋ­دىڭ قارا­پا­يىم­دىلىعىنا قاراماستان, بارلىق قاجەتتى ينجەنەرلىك كوممۋنيكاتسيا ءمو­بيلدى عيماراتقا قو­سىلادى. سونىمەن قا­تار ولار جي­ھازبەن, تۇرمىستىق تەحنيكامەن, دۋش كابينالارىمەن جانە قيىن كليماتتىق جاعدايلاردا دا تەمىرجولشىلاردىڭ جايلى تۇرۋى ءۇشىن قاجەت باسقا دا زاتتارمەن جابدىقتالعان.