جاڭاشىل ءھام جاناشىر جوبا

توتى سماتوۆا 2021 جىلدىڭ جەلتوق­سانىندا «CheckDoc» ستارتاپىن جۇزەگە اسىردى. تسيفر­لىق زەرتحانا ۇيدە دياگ­نوستيكا جۇرگىزۋگە مۇمكىندىك بەرەدى. جە­دەل مەديتسينالىق سەرۆيس ءاربىر كليەنتتى ساپالى تەكسەرۋدەن وت­كى­زىپ, اۋرۋدى ەرتە كەزەڭدە انىق­تايدى. جاس ۇجىم ەمدى ساپالى ءارى قولجەتىمدى ەتكىسى كەلگەن. مەد­­بيكەلەر تۇتىنۋشىلاردىڭ ۇيى­نە بارىپ, اناليزدەرگە بيوما­تەريال جينايدى نەمەسە پتر تەس­تىن جاسايدى. سودان كەيىن ونى زەرتحاناعا اپارادى, وندا زەرتتەۋلەر جۇرگىزىلەدى. ناتيجەلەر سايتتاعى قولدانۋشىنىڭ جەكە پروفيلىنە جىبەرىلەدى.

«Astana Hub» حالىقارالىق تەحنو­پاركىنىڭ قاتىسۋشىسى – CheckDoc ستارتاپىنا «Almak Capital» دۋباي قورى ينۆەستيتسيا قۇيعان. قارجىلاندىرۋ قىزمەتى تەحنولوگيالىق بولىكتى دامىتۋدى جانە نارىقتاعى ءوسۋدى جەدەلدەتەدى.

ء«بىزدىڭ ءداستۇرلى زەرتحانا­لار­دان ايىرماشىلىعىمىز بەن ارتىقشى­لى­عىمىز – تەحنو­لو­گيا­لىق دنق, تاپ­سى­رىس جانە كەلۋ ۇدەرىسىن وڭدەۋ جىلدام­دىعىندا. تاپسىرىس بەرگەن ساتتەن باستاپ ونى جۇزەگە اسىرۋعا دەيىن 40-60 مينۋت وتەدى. ءبىز مەديتسينالىق دياگنوستيكانىڭ Airbnb-ءى سياق­تىمىز. ءبىزدىڭ كۇشىمىز – كليەنت­كە نە قاجەت ەكەنىن بىلەمىز جانە قالاي بايلانىسۋ كەرەكتىگىن تۇسىنەمىز», دەيدى ت.سماتوۆا.

وتاندىق دياگنوستيكا قىز­مەتىنىڭ قا­زىرگى ماقساتى – دياگ­نوستيكاعا باسىمدىق بەرەتىن №1 مەديتسينالىق قىزمەتكە اينالۋ. وسى كەزەڭدە ولار جاساندى ينتەللەكت كومەگىمەن جوبانىڭ IT قۇرامداس بولىگىن كۇشەيتۋگە جۇمىس ىستەپ جاتىر. الداعى ۋاقىتتا جەرگiلiكتi دياگنوستيكا نارىعىنىڭ 15 پايىزىن قامتۋ­دى جوسپارلاپ وتىر. ت.سماتوۆا ۇلت دەنساۋلىعىنا ءوز ۇلەسىن قو­سىپ, حالىقتىڭ ءحالىن جاق­سارتىپ, تۇرمىسىن تۇزەگىسى كەلەدى. ول ينۆەستورلار جوبامىزعا قولداۋ بىلدىرسە, شەتەلدەرگە دە جول اشىلار ەدى دەيدى.

«جاھاندىق تسيفرلىق دەن­ساۋلىق ساقتاۋ نارىعى جىل سايىن ءوسىپ كەلەدى. تەك كەيىنگى ءۇش جىلدا بۇل ەكى ەسەگە جۋىق ءوستى. ايتالىق, 2020 جىلعى 216 ملرد دوللاردان 2023 جىلى 417 ملرد دوللارعا دەيىن ۇلعايدى. ءبىز تسيفرلىق دەنساۋلىق ساقتاۋ جوبالارىنىڭ بولاشاقتا تابىسى ارتادى دەپ ويلايمىز. CheckDoc – تۇراقتى قارجىلىق مودەلى بار ستارتاپ. كومپانيا تەك وڭ ديناميكا كورسەتىپ كەلەدى. سوندىقتان ءبىز كومپانيانىڭ جاڭا نارىقتارعا شىعۋىنا مۇمكىندىك بەرىپ, ستارتاپتىڭ تەحنولوگيالىق جاعىن جەتىلدىرۋ ءۇشىن ينۆەستيتسيا قۇيدىق», دەيدى Almak Capital باس­قارۋشى سەرىكتەسى ولجاس وكەنوۆ.

وسىدان ءبىراز جىل بۇرىن كا­سىپكەر ت.سماتوۆانىڭ ەنەسى قاتەرلى ىسىككە شالدىعادى. بۇل دەرت­تەن ارىلۋ ءۇشىن وتباسى يسپا­نياعا كوشىپ, سول جاقتا وپەراتسيا جا­ساتادى. وپەراتسيادان كەيىن اپتا سا­يىن ەمحاناعا بارۋ قاجەت بول­عان­دىقتان, قالىپقا كەلۋگە ۇزاق ۋاقىت كەتكەن. ءوزى اۋرۋدان جا­نى قينالىپ تۇرعان ادامدى جول اب­دەن تيتىقتاتىپ تاستايتىنى راس. بۇل ناۋقاسقا وتە ۇلكەن كۇي­زە­لىس اكەلەدى. سوندا توتى نەگە مەدي­تسي­نالىق قىزمەتكەرلەر وزدەرى پا­تسيەنتتەردىڭ ۇيى­نە بارمايدى دەپ ويلانا باستايدى. وسى يدەيا­مەن ەلگە ورالىپ, استانادا سheckDoc كوشپەلى دياگنوستيكا سەرۆيسىن قۇرادى.

جوبانىڭ العاشقى قادامدا­رى 2021 جىلدىڭ جازىندا جا­سالا باستايدى. ول دارىگەرلەرمەن سويلەسىپ, جۇيەنىڭ ءمان-جايىن زەرتتەيدى. ماماندار مەدي­تسي­نا­نىڭ 70 پايىزى دياگنوستيكادان تۇرا­تى­نىن ايتقاندا, بيوماتە­ريالداردى جي­­ناۋعا سۇرانىس ار­قاشان بولاتىنىن تۇ­سىنگەن. جو­بانى جۇزەگە اسىرۋعا بىلىكتى قىز­­مەتكەر تابۋ دا قيىنعا سوق­پاپتى. سە­بەبى جوبانىڭ جاڭا­شىلدىعى مەن جا­نا­شىر­لى­عى جاقسى مامانداردى ءوزى-اق تارتقان.

«العاشىندا مەدبيكەلەر­دى جالداۋدا ەشقانداي ماسەلە بول­عان جوق. ءبىز جوبانى ەندى عانا باستاعانىمىزعا قاراماستان, ادامدار بىزبەن جۇمىس ىستەۋگە كەلىستى. مۇمكىن ولار قاراپايىم زەرتحانالاردان جالىققان شىعار. ەلەستەتىپ كورىڭىزشى, كۇندە ءبىر بول­مەدە وتىرىپ, سارعايىپ كۇتۋ­مەن ۋاقىت وتەدى. ال بىزدە ديناميكا بار. ورىنداردىڭ ۇنەمى اۋىسۋى جانە ىڭعايلى جاعدايداعى ادامدارمەن قارىم-قاتىناس جاقسى كوڭىل كۇي سىيلايدى», دەيدى توتى.

CheckDoc باستى نازاردى قىزمەتتىڭ ساپالى, جايلى بولۋى­نا اۋدار­عان. بۇل جەردەگى نەگىزگى ماقسات – بيوماتەريالدى جيناۋدى كۇيزەلىسسىز جۇزەگە اسىرۋ. ول ءۇشىن ادامدارعا گەماتوگەندەر, دارۋمەندەر بەرىپ, مەيلىنشە سىپايى سويلەسۋگە تىرىسادى. بۇل قاراپايىم نارسە سياقتى كورىنۋى مۇمكىن. بىراق كلاس­سيكالىق اۋرۋحانالاردان كورە المايتىن, جەتىسپەيتىن دۇنيە.

«جوبامىزدىڭ جۇزەگە اسۋى جاقسى بولدى, بىراق ءمىنسىز دەپ ايتا المايمىن. مى­سالى, بىرنەشە ايدان كەيىن مەدبيكەلەر جۇمىستان كەتىپ قالىپ جاتتى. بۇل جوباعا اۋىر سوعادى. سوندا عانا ولار­دىڭ ماسەلەلەرىنە كوبىرەك كوڭىل ءبولۋىم كەرەك ەكەنىن ۇعىنا باس­تادىم. بۇل سالا ءبىزدىڭ الەۋەتتى با­سەكەلەستەرىمىزدەن سەرىكتەستەر جا­سايدى. ءبىز كلاسسيكالىق كلي­ني­كالاردىڭ نانىن تارتىپ الماي­مىز. كەرىسىنشە, ولارعا ءوز قۋا­تىن بارىنشا ارتتىرۋعا جانە كو­بىرەك اقشا تابۋعا كومەكتەسەمىز. سون­دىقتان قازىر مەديتسينالىق كوم­پانيالارعا بىرلەسىپ جۇمىس ىستەۋدى ۇسىنامىز», دەيدى سەرۆيس باسشىسى.

جاڭاشىل جوبا مەديتسيناداعى بىر­قاتار ماسەلەنى شەشەدى. سىرقات شارشات­قان قان­شاما ناۋقاس كەزەك كۇتىپ وتىراتىنى وتىرىك ەمەس. تسيفرلىق تەحنولوگيانى جۇيە­سىز­دىكتى جويۋعا پايدالانعانىمىز قۇبا-قۇپ.