پرەمەر-ءمينيستردىڭ ورىنباسارى – ۇكىمەت اپپاراتىنىڭ باسشىسى عالىمجان قويشىباەۆ استاناعا جۇمىس ساپارىمەن كەلگەن ءباا-ءنىڭ مينيسترلەر كابينەتى ىستەرى جونىندەگى ءمينيسترى مۇحاممەد ءال-گارگاۋيمەن كەزدەستى.
عالىمجان قويشىباەۆ قازاقستان مەن بىرىككەن اراب امىرلىكتەرى اراسىنداعى ىنتىماقتاستىقتىڭ جوعارى دەڭگەيدە ەكەنىن اتاپ ءوتتى. بارلىق باعىتتاعى تۇراقتى بايلانىس ساياسي, ساۋدا-ەكونوميكالىق جانە مادەني-گۋمانيتارلىق سالالارداعى ەكىجاقتى ارىپتەستىكتى ودان ءارى نىعايتۋعا ىقپال ەتۋدە.
مەملەكەتتىك باسقارۋ سالاسىنداعى ءوزارا ءىس-قيمىل ۇكىمەتارالىق ىنتىماقتاستىقتىڭ جاڭا باعدارى رەتىندە ايقىندالدى. اتاپ ايتقاندا, وسى جىلدىڭ اقپان ايىندا دۋباي قالاسىندا قول قويىلعان دامۋ جانە جاڭعىرتۋ سالاسىنداعى ىنتىماقتاستىق تۋرالى مەموراندۋم اياسىندا «ۇكىمەتتەر اراسىندا تاجىريبە الماسۋ باعدارلاماسى» بويىنشا جۇمىس باستالدى. قازاقستان مەن ءباا-ءنىڭ ساراپشى توپتارى مەملەكەتتىك باسقارۋدىڭ تيىمدىلىگىن ارتتىرۋ, جاساندى ينتەللەكت, باعدارلامالاۋ, تۋريزم جانە سمارت-قىزمەتتەر سياقتى ءوزارا ءىس-قيمىلدىڭ پەرسپەكتيۆالىق باعىتتارىن انىقتادى.
«قازاقستان ءوزارا اقپارات جانە پايدالى تاجىريبە الماسۋ ارقىلى مەملەكەتتىك باسقارۋ سالاسىنداعى ىنتىماقتاستىقتى جالعاستىرۋعا مۇددەلى», دەدى ع. قويشىباەۆ.
كەزدەسۋ اياسىندا تسيفرلىق دامۋ, يننوۆاتسيالار جانە اەروعارىش ونەركاسىبى ءبىرىنشى ۆيتسە-ءمينيسترى قانىش تولەۋشين اراب تاراپىنا قازاقستاننىڭ تسيفرلاندىرۋ سالاسىنداعى جەتىستىكتەرىن, اتاپ ايتقاندا, «e-government», Smart Data Ukimet ينفراقۇرىلىمىن, ورتالىق ازياداعى Astana Hub ءىرى حالىقارالىق تەحنوپاركىنىڭ جۇمىسىن كورسەتتى.
ءوز تاراپىنان م. ءال-گارگاۋي بىزدەگى ارىپتەستەرىنە ءباا ۇكىمەتىنىڭ مەملەكەتتىك باسقارۋ جۇيەسىندە قولدانىلاتىن تسيفرلىق شەشىمدەردى تانىستىردى.
كەزدەسۋ سوڭىندا تاراپتار باسىم باعىتتار بويىنشا تىعىز ءوزارا ءىس-قيمىلدى ودان ءارى جالعاستىرۋعا ۋاعدالاستى.