اقىلى اۆتوتۇراق «اقىلعا» كەلدى

«استانانىڭ تۇراق كەڭىستىگى» جشس مالىمەتىنشە, 1 قازاننان باس­تاپ اقىلى اۆتوتۇراقتاردى تەگىن پاي­دالانۋعا بىرە­گەي مۇمكىندىك بە­رىلدى. بۇل شەشىم قالانى تۇرعىندار ءۇشىن بارىنشا ىڭعايلى ەتۋگە ار­نالعان. ال وسىعان دەيىن ابونەمەنت قۇنى ايىنا 1 500 تەڭگە بولعان.

«اۆتوتۇراق ايماقتارىنىڭ ءتىزى­مى جانە ولاردىڭ مەكەنجايلارى astanapark.kz سايتىنىڭ «رەزي­دەنت­تەر» بو­لىمىندە كورسەتىلگەن. رەزي­دەنتتىك ابونەمەنتتى رەسىمدەۋ ءۇشىن سايت­قا تىركەلىپ, ونلاين-ءوتىنىش بەرۋ قاجەت», دەيدى جاۋاپتى مەكەمە قىز­مەتكەرى.

ۋاقىتتى ۇنەمدەگىسى كەلەتىن جۇر­گىزۋشىلەر ءۇشىن ابونەمەنتتەر بە­رى­لەدى. ابونەمەنت يەلەرى كو­لىگىن قالا بو­يىنشا بارلىق اقى­لى تۇ­راقتا تولەم­سىز قويا الادى. ياعني اۆتوماتتى تىر­كەۋ جۇيەسى قولدا­نىستاعى ابونە­مەنتتىڭ بار-جوعىن انىق­تايدى. ابو­نەمەنتتەر جەكە جانە زاڭدى تۇل­عالار ءۇشىن دە بىردەي بول­ماق.

ولاردىڭ ايتۋىنشا, ەندى استانا قالاسىندا تەك دەمالىس جانە مەرەكە كۇندەرى اۆتوتۇراق اقىلى بولدى. تۇراق قۇنى – ساعاتىنا 100 تەڭگە. مۇن­داي شە­شىم قالا قوزعالىسىن تۇراق­تى ۇستاۋعا مۇمكىندىك بەرەدى. اۆتو­كولىك يەلەرى تو­لەمدى Kaspi.kz, Homebank قوسىمشاسى نەمەسە astanapark.kz سايتىنداعى جەكە كابينەت, تەر­مينالدار جانە كاسسا24 سايتى ارقىلى تولەي الادى. كولىك قۇ­رال­دارىن تۇراققا قويۋ ەرەجەلەرىن بۇز­عانى ءۇشىن ايىپپۇل 3 اەك قۇرايدى.

ەلوردا اكىمدىگى بەكىتكەن ەرەجەگە سايكەس ەكىنشى دۇنيەجۇزىلىك سو­عىس ار­دا­گەرلەرى, ءى-ءىى توپتاعى مۇگە­­دەك­تەر, «ال­تىن قىران» جانە «حا­­لىق قا­ھارمانى» وردەن­دەرىمەن مارا­پات­تال­عان تۇلعالار, «التىن القا» جانە «كۇ­مىس القا» القا­لارى­مەن مارا­پاتتالعان كوپ بالالى انالار, سەمەي پو­ليگونىنداعى يادرو­لىق سىناق­تار­دىڭ سالدارىنان راديا­تسيالىق اسەرگە ۇشىراعان ادامدار, اۋعان­ستان­داعى سوعىس مۇگەدەكتەرى جانە جەر­­گىلىكتى جا­ۋىنگەرلىك ارە­كەت­­تەرىنىڭ جا­ۋىنگەرلەرى, تاجىك-اۋعان شەكاراسى, تاۋلى قاراباق, يراك سوعى­سىندا زار­داپ شەككەن ازا­ماتتار اۆتوتۇراقتى تەگىن پاي­دا­لانا الادى.