مەملەكەت باسشىسى ىشكى ىستەر مينيسترىنە اقمولا وبلىسىنىڭ ششۋچە قالاسىندا بولعان ستۋدەنتتىڭ ولىمىنە قاتىستى بارلىق ءمان-جايدى جان-جاقتى تەكسەرۋدى تاپسىردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«كىنالىلەر زاڭ تالاپتارىنا ساي جاۋاپقا تارتىلۋى كەرەك. پرەزيدەنت بۇل ماسەلەنى ەرەكشە باقىلاۋعا الدى», دەلىنگەن حابارلامادا.
ەسكە سالايىق, ششۋچينسكتەگى تەمىرجولدان 19 جاستاعى ستۋدەنتتىڭ دەنەسى تابىلدى. 6 قازاندا كوكشەتاۋ ستانساسىنداعى جەلىلىك پوليتسيا بولىمشەسىندە قر قىلمىستىق كودەكسى 344-بابىنىڭ 2-بولىگى بويىنشا سوتقا دەيىنگى تەرگەۋ باستالدى. ءىس بويىنشا ءتيىستى تەرگەۋ جۇمىستارى جۇرگىزىلىپ جاتىر.