«قتج-جۇك تاسىمالى» جشس-ءنىڭ فيليالدارىندا قارجىلاندىرۋعا جاتپايتىن 742 ادامعا 10 ملن تەڭگەدەن استام سوماعا سىياقىلار مەن تولەمدەردى زاڭسىز ەسەپتەۋ فاكتىلەرى انىقتالدى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى, دەپ جازادى Egemen.kz.
باس پروكۋراتۋرانىڭ رەسمي وكىلى دارحان دۇيسەمبايدىڭ ايتۋىنشا, كاسىپورىننىڭ اقمولا فيليالى ومىردەن جەتى جىل بۇرىن وتكەن زەينەتكەردىڭ اتىنا اقشالاي قاراجات اۋدارىپ وتىرعان. بۇدان بولەك, قاراعاندىدا كادر ءبولىمىنىڭ باسشىسى اتا-اناسىن تەمىرجولشى زەينەتكەرى رەتىندە زاڭسىز تىزىمگە قوسىپ, ولارعا بەس جىل بويى 1 ملن تەڭگەدەن استام سوماعا جەڭىلدىكتەر, وتەماقى تولەمدەرى مەن سىياقىلاردى بەرىپ وتىرعان.
قازىر زاڭسىز تولەمدەردى قايتارۋ بويىنشا شارا قابىلدانىپ جاتىر. سونىمەن قاتار اۋديتورلىق تەكسەرۋلەر تاعايىندالىپ, سوتقا دەيىنگى تەرگەپ-تەكسەرۋ باستالدى.