قازاقستان قۇراماسىنىڭ سپورتشىسى اناستاسيا انانەۆا حانچجوۋدا ءوتىپ جاتقان ازيا ويىندارىندا سلالومدى ەسۋدەن كۇمىس جۇلدە جەڭىپ الدى, دەپ حابارلايدى Egemen.kz.
سلالومدى ەسۋدەن ايەلدەر اراسىنداعى فينالدىق سايىستا 19 جاستاعى اناستاسيا انانەۆا مارەگە ەكىنشى جەتتى. التىن مەدال قىتايلىق جۋان حۋانگقا بۇيىردى (107.71). كۇمىس مەدالدى اناستاسيا انانەۆا (119.29), قولا مەدالدى جاپون سپورتشىسى حارۋكا وكازاكي (119.59) يەلەندى.
ايتا كەتەيىك, بۇگىن قازاقستان قۇراماسىنىڭ سپورتشىسى دانيار يۋلداشەۆ كاراتەدەن جارىستىڭ فينالىنا شىققانىن حابارلاعان ەدىك.
وسىلايشا, ازيا ويىندارىنىڭ سوڭعى كۇنىندە قازاقستان قۇراماسى ونىنشى «التىنعا» ءۇمىت ارتىپ وتىر.