كاراتەشى دانيار يۋلداشەۆ ازيا ويىندارىنىڭ فينالىنا شىعىپ, كەلەسى كەزەكتە التىن مەدالعا تالاسادى, دەپ حابارلايدى Egemen.kz.
84 كەلىگە دەيىنگى سالماقتا كاراتەدەن الەم چەمپيوناتىنىڭ قولا جۇلدەگەرى, ەكى دۇركىن ازيا چەمپيونى ءۇش قارسىلاسىنان باسىم ءتۇستى.
قازاقستان سپورتشىسى تايلاند وكىلى تيراپات كانابكاەۆتى 6:2, 2018 جىلعى ازيا ويىندارى مەن الەم چەمپيوناتىنىڭ جۇلدەگەرى, تايبەيلىك چۋن ۆەي ۆۋدى 7:4 ەسەبىمەن ۇتتى. سودان كەيىن جارتىلاي فينالدا يوردانيالىق, ەكى مارتە ازيا چەمپيونى موحاممەد ءالجافاريدى 4:0 ەسەبىمەن تىزە بۇكتىردى.
يۋلداشەۆ فينالدا مالايزيالىق سپورتشى بين اب ماليكپەن كەزدەسەدى.