تەڭىز بەن قاشاعاندى دامىتۋ ماسەلەسى

تاراپتار بولاشاقتا تەڭىز كەن ورنىندا باسقارۋ جوبالارىن ىسكە اسىرۋدى, قاشاعان كەن ورنىن ودان ءارى يگەرۋ جوسپارلارىن, سۇيىتىلعان مۇناي گازىن ىشكى نارىققا جەتكىزۋ جانە گاز ءبولۋ كەشەنىن سالۋ ماسەلەلەرىن تالقىلادى.

ۇكىمەت باسشىسى ءىرى مۇناي-گاز جوبالارىنداعى جەرگىلىكتى قامتۋدى ارتتىرۋ ەكونوميكانىڭ بازالىق سالالارىن دامىتۋدىڭ نەگىزگى فاكتورلارىنىڭ ءبىرى ەكەنىن اتاپ ءوتتى. وسىعان بايلانىستى ول وپەراتورلاردىڭ قاجەتتىلىكتەرى ءۇشىن ءونىم شىعا­رۋعا مۇددەلى جەرگىلىكتى وندى­رۋشىلەرمەن ءوزارا ءىس-قيمىلدى نىعايتۋعا شاقىردى.

«بۇل قازىرگى ۋاقىتتا يمپورتتالاتىن مۇناي-گاز ماشينا جاساۋ ونىمىنە دەگەن قاجەتتىلىكتى وتەۋگە مۇمكىندىك بەرەدى»,  دەدى ءاليحان سمايىلوۆ.

جالپى, پرەمەر-مينيستر ۇكىمەت بىرلەسكەن جوسپارلاردى ىسكە اسىرۋ شەڭبەرىندە كومپانيا­مەن سىندارلى ديالوگكە ارقاشان اشىق ەكەنىن اتاپ ءوتتى.

ءوز كەزەگىندە دجون ۋيلان «ەكسونموبيل» قازاقستاندا ءوز وكىلدىگىن اشقان شەتەلدىك حالىق­ارالىق مۇناي كوم­پا­نيالارىنىڭ اراسىندا ال­عاش­قىلاردىڭ ءبىرى بولعانىن ەسكە سالدى.

«بۇگىنگى تاڭدا ءبىز رەسپۋب­ليكاعا 28 ملرد دوللاردان اسا ينۆەستيتسيا سالدىق, بۇل ءبىزدى ەڭ ءىرى شەتەلدىك ينۆەستورلاردىڭ بىرىنە اينالدىرادى. قاشاعان, تەڭىز جانە كاسپي قۇبىرى كونسورتسيۋمى سياقتى ءىرى جوبا­لارداعى بۇرىننان كەلە جاتقان سەرىكتەس بولا وتىرىپ, ءبىز ەكى­جاق­تى بايلانىستارىمىز بەن ستراتەگيالىق سەرىكتەستىگىمىزدى ودان ءارى نىعايتا تۇسەمىز دەپ ۇمىت­تەنەمىز», دەدى ول.