«AMANAT» پارتياسى فراكتسياسىنىڭ مۇشەسى ەرلان سايروۆ «سامۇرىق - قازىنا ۇلتتىق ءال-اۋقات قورى» اق باسشىلىعىنا تولەنەتىن سىياقى ماسەلەسى تۋرالى پرەمەر-مينيسترگە جانە باس پروكۋرورعا دەپۋتاتتىق ساۋال جولدادى, دەپ حابارلايدى Egemen.kz.
ەرلان سايروۆ ءوز ساۋالىندا اتالعان كاسىپورىننىڭ باسشىلىعى كوپ مولشەردە سىياقى العاندارى تۋرالى تسيفرلىق مالىمەتتەر كەلتىردى.
«كاسىپورىن باسشىسى ءبىر جىلدا 74 ملن تەڭگە, باسشىلىق قۇرامى 274 ملن تەڭگە بونۋس جازىپ العان». دەگەن دەپۋتات تاعى بىرنەشە مىسال كەلتىرە وتىرىپ, «قاراپايىم حالقىمىز ۇننىڭ قىمباتتاۋىنان قينالىپ وتىرعاندا بۇل جاعداي حالىقتىڭ اشۋ-ىزاسىن تۋدىرارى انىق. اتالعان كاسىپورىن جانە ونىڭ ەنشىلەس كاسىپورىندارىنىڭ باسشىلىعى بونۋس جازىپ الۋعا عانا قىزمەت ەتە مە دەگەن زاڭدى سۇراق تۋادى», دەدى.
دەپۋتاتتىڭ ايتۋىنشا جاڭا قازاقستان يدەالدارى ۇلتتىق تەڭدىك پرينتسيپتەرى ىسكە اسقاندا عانا ورىندالادى.
«اتالعان كاسىپورىننىڭ سىياقى جازۋ ساياساتىنىڭ زاڭعا سايكەستىگىن جانە ونىڭ قۇجىناعان ەنشىلەس كاسىپورىندارىنىڭ قاجەتتىگىن انىقتاۋ, «سامۇرىق - قازىنانىڭ» قارجىلىق اشىقتىعىن قامتاماسىز ەتۋ تەتىكتەرىن جاساۋ قاجەت», دەپ تۇيىندەدى ەرلان سايروۆ.