حانچجوۋداعى ازيا ويىندارىندا 3 قازان كۇنى قازاقستان سپورتشىلارى ءبىر التىن, ءۇش كۇمىس, بەس قولا, بارلىعى توعىز مەدال جەڭىپ الدى جانە ءبىر بوكسشىمىز فينالعا شىقتى, دەپ حابارلايدى Egemen.kz.
ۆەلوشاباندوز الەكسەي لۋتسەنكو جەكەلەي جارىستا التىن مەدال جەڭىپ الدى. ول قىتاي مەن گونكونگ سپورتشىلارىنان وزىپ, 39,7 كم قاشىقتىقتى 48:05.75-تە ءجۇرىپ ءوتتى. بۇل ا.لۋتسەنكونىڭ سپورتتىق مانسابىنداعى ازيا ويىندارىنىڭ 4-ءشى مەدالى.
دانيل مۇساباەۆ باتۋتتىق گيمناستيكادا ازيادانىڭ كۇمىس جۇلدەگەرى اتاندى. قازاقستان قۇراماسىنا تاعى 2 كۇمىس مەدالدى بايداركا مەن كانوەدە ەسكەك ەسۋشىلەر اكەلدى: ولار تيموفەي مەن سەرگەي ەمەليانوۆتار 1000 م كانوەدە ەسۋ, سونداي-اق مارگاريتا تورلوپوۆا مەن ۋليانا كيسەلەۆا 200 م كانوەدە ەسۋ.
قولا مەدال جەڭىپ العاندار:
ريناتا سۇلتانوۆا – تاسجولداعى ۆەلوجارىس (جەكەلەي جارىس);
نادەجدا دۋبوۆيتسكايا - بيىكتىككە سەكىرۋ;
كارولين چەپكوەچ كيپكيرۋي - 5000 م جۇگىرۋ; ماريا بروۆكوۆا - بايداركا مەن كانوەدە ەسۋ (Wس1, 200 م); اسلانبەك شىمبەرگەنوۆ - بوكس (71 كگ).
بوكسشى قامشىبەك قوڭقاباەۆ +92 كەلى سالماق دارەجەسىندە ءۇندىستاننان كەلگەن قارسىلاسىن جەڭىپ, فينالعا شىقتى.
10-شى جارىس كۇنىنىڭ قورىتىندىسى بويىنشا قازاقستان قۇراماسىنىڭ قورجىنىندا 5 التىن, 10 كۇمىس جانە 32 قولا جۇلدە بار.